Кеден одағына мүше мемлекеттердің кеден органдарының кедендік бақылаудың белгілі бір нысандарын қолдануынан босату туралы келісім (Санкт-Петербург қ., 2010 жылғы 18 маусымда) (күші жойылды)

Кеден одағына мүше мемлекеттердің кеден органдарының кедендік
 бақылаудың белгілі бір нысандарын қолдануынан босату туралы
келісім
(Санкт-Петербург қ., 2010 жылғы 18 маусымда)

2018 ж. 1 қаңтардан бастап күші жойылды

ҚР 2010 жылғы 30 маусымдағы № 317-ІV Заңымен ратификацияланды

2011 жылғы 3 маусымда күшіне енді

Бұдан әрі Тараптар деп аталатын Еуразиялық экономикалық қоғамдастық шеңберіндегі кеден одағына мүше мемлекеттердің үкіметтері,

2009 жылғы 27 қарашадағы Кеден одағының Кеден кодексі туралы шартты негізге ала отырып,

төмендегілер туралы келісті:

1-бап

Тараптар мемлекеттерінің кеден органдары осы Келісімнің ережелеріне сәйкес кедендік бақылаудың белгілі бір нысандарын қолданбайды.

2-бап

Мына:

1) кеден одағына мүше мемлекеттердің өз өкілеттіктерін тоқтатқан президенттерінің және олармен бірге жүрген олардың отбасы мүшелерінің;

2) егер көрсетілген адамдар кедендік шекараны қызметтік міндеттерін немесе депутаттық өкілеттіктерін орындауға байланысты кесіп өтетін болса, Ресей Федерациясы Конституциялық Соты Төрағасының, Ресей Федерациясы Жоғарғы Соты Төрағасының, Ресей Федерациясы Жоғары Төрелік Соты Төрағасының, Ресей Федерациясы Федералдық Жиналысының Федерация Кеңесі мүшелерінің, Ресей Федерациясы Федералдық Жиналысының Мемлекеттік Думасы депутаттарының;

3) егер көрсетілген адамдар кедендік шекараны қызметтік міндеттерін немесе депутаттық өкілеттіктерін орындауға байланысты кесіп өтетін болса, Беларусь Республикасы Конституциялық Соты Төрағасының, Беларусь Республикасы Жоғарғы Соты Төрағасының, Беларусь Республикасы Жоғары Шаруашылық Соты Төрағасының, Беларусь Республикасы Ұлттық

Жиналысының Кеңесі мүшелерінің, Беларусь Республикасы Ұлттық Жиналысы өкілдерінің Палатасы депутаттарының;