Қызылорда облысы, Шиелі аудандық сотының 2010 жылғы 3 қыркүйектегі № 3-901 Қаулысы

Қызылорда облысы, Шиелі аудандық сотының 2010 жылғы 3 қыркүйектегі № 3-901 Қаулысы

Қызылорда облысы, Шиелі аудандық сотының төрағасы, судья С.Сүлеймен, аудан прокурорының аға көмекшісі М.Әлиеваның, құқық бұзушы К.Бобожоновтың қатысуымен, аудандық сот залында, ашық сот отырысында, құқық бұзушылық жасаған азамат,

Бобожонов Кенжебой Назаровичтің: 20.03.1974-жылы Өзбекстан Республикасында туылған, ұлты өзбек, Өзбекстан Республикасының азаматы, жанұялы, жұмыссыз, бұрын әкімшілік жауапкершілікке тартылмаған, Өзбекстан Республикасы, Хорезм облысы, Хива ауданының тұрғыны, әкімшілік істі қазақ тілінде жүргізуді сұраған, қазақ тілін түсінеді, қорғаушы көмегін қажет етпеген,

Қазақстан Республикасының Әкімшілік құқық бұзушылық туралы кодексінің 394-бабының 2-бөлігімен жинақталған әкімшілік ісін қарап шығып, АНЫҚТАҒАНЫ:

Полиция қызметкерлерінің 02.09.2010-жылы 10.00-де жұмыс атқару барысында, Шиелі кенті, Яссауи көшесінің бойында құрылыс жұмыстарымен айналысып жүрген, Өзбекстан Республикасының азаматы К.Бобожоновтың төл құжатын тексеру барысында, ол ҚР-на 05.06.2010-жылы жеке шаруамен келдім деп, пайда табу мақсатында құрылыс жұмыстарымен айналысып, ол ҚР ӘҚБтК-нің 394-бабының 2-бөлігінде көзделген құқық бұзушылықты жасаған.