Қызылорда облысы, Шиелі аудандық сотының 2010 жылғы 21 қыркүйектегі № 3-944 Қаулысы

Қызылорда облысы, Шиелі аудандық сотының 2010 жылғы 21 қыркүйектегі № 3-944 Қаулысы

Қызылорда облысы, Шиелі аудандық сотының судьясы Ғ.Алмахан, аудан прокурорының аға көмекшісі М.Әлиеваның, арыз беруші З.Асқарованың, құқық бұзушы С.Құлжановтың қатысуларымен, аудандық сот залында, өзінің ашық сот отырысында құқық бұзушылық жасаған азамат:

Құлжанов Сәрсенбай Есенқұлұлы- 10.10.1959-жылы Қызылорда облысы, Шиелі ауданында туылған, ұлты қазақ, ҚР азаматы, жанұялы, жеке куәлігі 016993977, СТНН 330810379391, жұмыссыз, бұрын әкімшілік жауапкершілікке тартылған, Шиелі кенті, Әльфараби көшесі № 3/7-үй тұрғыны, әкімшілік істі қазақ тілінде жүргізуді сұраған, қорғаушы көмегін қажет етпеген,

Қазақстан Республикасының Әкімшілік құқық бұзушылық туралы кодексінің 79-5-бабының 2-бөлігімен жинақталған әкімшілік ісін қарап шығып, АНЫҚТАҒАНЫ:

Құқық бұзушы Құлжанов Сәрсенбай Есенқұлұлы 19.09.2010-жылы сағат 00.30-минутта, спирттік ішімдік ішкен мас күйінде, өз үйіне барып заңды некедегі әйелі Асқарова Зөреге сыйламаушылық көрсетіп, былапыт сөйлеп, отбасы-тұрмыстық қатынастар саласындағы құқыққа қарсы бір жыл ішінде қайталап құқық бұзушылыққа барып, яғни ол ҚР ӘҚБтК-нің 79-5-бабының 2-бөлігінде көзделген отбасы-тұрмыстық қатынастар саласындағы құқыққа қарсы іс-әрекеттер жасаған.