«Улар, Қару-жарақ, әскери техника мен жекелеген қару түрлері, жарылғыш заттар мен олар қолдана отырып жасалған бұйымдар айналымы саласындағы тәуекел дәрежесін бағалау критерийлерін бекіту туралы» Қазақстан Республикасының Индустрия және жаңа технологиялар министірінің м.а. 2010 жылғы 21 тамыздағы № 242 және Экономикалық даму және сауда министрінің 2010 жылғы 2 қыркүйектегі № 171 Бірлескен бұйрығы (күші жойылды)

Улар, Қару-жарақ, әскери техника мен жекелеген қару түрлері, жарылғыш заттар мен олар қолдана отырып жасалған бұйымдар айналымы саласындағы тәуекел дәрежесін бағалау критерийлерін бекіту туралы
Қазақстан Республикасының Индустрия және жаңа технологиялар министірінің м.а. 2010 жылғы 21 тамыздағы № 242
 және Экономикалық даму және сауда министрінің 2010 жылғы 2 қыркүйектегі № 171 Бірлескен бұйрығы

ҚР Премьер-Министрінің орынбасары - Индустрия және жаңа технологиялар министрінің 2012 жылғы 28 қарашадағы № 429 және ҚР Экономикалық даму және сауда министрінің 2012 жылғы 5 желтоқсандағы № 328 брлескен бұйрығымен күші жойылды

 «Жеке кәсіпкерлік туралы» Қазақстан Республикасы Заңының 38-бабын және «Лицензиялау туралы» Қазақстан Республикасы Заңын іске асыру мақсатында БҰЙЫРАМЫЗ:

1. Қоса беріліп отырған Улар, қару-жарақ, әскери техника мен жекелеген қару түрлері, жарылғыш заттар мен олар қолдана отырып жасалған бұйымдар айналымы саласындағы тәуекел дәрежесін бағалау критерийлері бекітілсін.

2. Қазақстан Республикасы Индустрия және жаңа технологиялар министрлігінің Өнеркәсіп комитеті (А.С. Таспихов):

1) осы бұйрықтың Қазақстан Республикасы Әділет министрлігінде мемлекеттік тіркеуден өтуін қамтамасыз етсін;

2) осы бұйрық мемлекеттік тіркеуден өткеннен кейін оның ресми жариялануын қамтамасыз етсін;

3) осы бұйрықты Қазақстан Республикасы Индустрия және жаңа технологиялар министрлігінің интернет-ресурсына орналастыруды қамтамасыз етсін.

3. Осы бұйрықтың орындалуын бақылау Индустрия және жаңа технологиялар вице-министрі Н.Қ. Әбдібековке жүктелсін.

4. Осы бұйрық Қазақстан Республикасы Әділет министрлігінде мемлекеттік тіркеуден өткен күннен бастап күшіне енеді.

5. Осы бұйрық алғаш ресми жарияланған күнінен бастап күнтізбелік он күн өткен соң қолданысқа енгізіледі.

Қазақстан Республикасы

Индустрия және жаңа технологиялар

министрі міндетін атқарушының