Қосылған құн салығы бойыншасалық есептілігін (декларацияны) жасау ережесі (300.00 - нысан) (Қазақстан Республикасы Қаржы министрінің 2010 жылғы 20 желтоқсандағы № 644 бұйрығымен бекітілген) (2011.14.04. берілген өзгерістермен) (күші жойылды)

Қазақстан Республикасы

Қаржы министрінің 2010 жылғы

20 желтоқсандағы № 644 бұйрығымен

 бекітілген

Қосылған құн салығы бойынша декларацияға

(300.00-нысан) қосымша

ҚР Қаржы министрінің 2012 жылғы 12 қаңтардағы № 15 бұйрығымен 2012 жылғы 1 қаңтардан бастап күші жойылды

ҚР Қаржы министрінің 2011.14.04. № 188 Бұйрығымен ереженің мәтініндегі «ауыл шаруашылығы өнімдерін өндіруші, заңды тұлғалар» деген сөздердің алдында «акваөсіру (балық өсіру шаруашылығы) өнімдерін,» деген сөздермен толықтырылды  (ресми жарияланған күнінен бастап қолданысқа енгізілді және 2011 жылдың 1 қаңтарынан бастап туындайтын қатынастарға қолданылды) (бұр.ред.қара)

Қосылған құн салығы бойыншасалық есептілігін (декларацияны) жасау
ережесі
(300.00 - нысан)

(2011.14.04. берілген өзгерістермен)

1. Жалпы ережелер

1. Осы Ереже «Салық және бюджетке төленетін басқа да міндетті төлемдер туралы» 2008 жылғы 10 желтоқсандағы Қазақстан Республикасының Кодексіне (Салық кодексі) сәйкес әзірленген және Салық кодексінің 8-бөліміне және «Салық және бюджетке төленетін басқа да міндетті төлемдер туралы» Қазақстан Республикасының Кодексін (Салық кодексін) қолданысқа енгізу туралы» Қазақстан Республикасы Заңының (бұдан әрі - Енгізу туралы Заңның) 2, 12, 24, 25, 28, 34, 35, 44, 47, 48, 49, 49-1-баптарына сәйкес қосылған құн салығы сомасын есептеуге арналған қосылған құн салығы бойынша салық есептілігінің нысанын (декларация) (бұдан әрі - Декларация) жасау тәртібін айқындайды.

2. Декларация Декларацияның өзінен (300.00-нысан) және салық міндеттемесінің есептелуі туралы ақпаратты егжей-тегжейлі көрсетуге арналған оған қосымшалардан (300.01 - 300.10 нысандар) тұрады.

3. Декларацияны толтыру кезінде түзетуге, өшіруге және тазалауға жол берілмейді.

4. Көрсеткіштер болмаған кезде тиісті торкөздер толтырылмайды.

5. Декларацияға қосымшалар Декларациядағы тиісті көрсеткіштерді ашып көрсетуді талап ететін жолдарды толтыру кезінде міндетті тәртіпте жасалады.