Кыргыз Республикасынын Жогорку Сотунун административдик жана экономикалык иштер боюнча соттук коллегиясынын 2005-жылдын 23-августундагы № 7-0133/05-ЭД токтому

Кыргыз Республикасынын Жогорку Сотунун административдик жана экономикалык иштер
боюнча соттук коллегиясынын 2005-жылдын 23-августундагы № 7-0133/05-ЭД токтому

№ 7-0133/05-ЭД иш

Кыргыз Республикасынын Жогорку Сотунун административдик жана экономикалык иштер боюнча соттук коллегиясы курамында:

төрагалык кылуучу: судья Мухамеджанов А.Ж.,

судьялар: Айткулова И.В., Мукамбаева Г.У. (баяндоочу-судья),

сот жыйынынын катчысы: Н.Малдыбаев,

тараптардын өкүлдөрү: Банктарды кайрадан уюштуруу жана карыздарды реструктуралаштыруу боюнча агентствосунан («Дебра» агентствосу) Капаров Э. (ишеним кат № 93 04.07.2005-ж.), Эсеналиев Темирбек жана анын өкүлү Мадинов О. (ордер № 319) катышуулары менен,

ачык соттук жыйында Кочкор районунун прокурорунун Эсеналиев Темирбекти үй-бүлөөсү менен жашап турган Семиз-Бел айылындагы бала-бакчанын имаратынан чыгаруу. Кочкор асыл тукум заводунун директору Б.Атабековдун 1995-жылдын 1-августундагы № 34 буйругун жокко чыгаруу жөнүндөгү доо арызынын негизинде чыгарылган Нарын областтык сотунун жарандык иштер боюнча апелляциялык коллегиясынын 2004-жылдын 30-ноябрындагы аныктамасын көзөмөл тартибинде кароо жөнүндөгү Банктарды кайрадан уюштуруу жана карыздарды реструктуралаштыруу боюнча агентствосунун Нарын областтык башкармасынын даттануусун карап чыгып (судьялар: Бектурова А., Курманбаев Ж., Сартов А.),

тапты:

2004-жылдын 21-июлунда Кочкор районунун прокурору Кочкор райондук сотуна доо арыз менен кайрылып, Эсеналиев Темирбекти үй-бүлөөсү менен жашап турган Семиз-Бел айылындагы бала-бакчанын имаратынан чыгарууну жана Кочкор асыл тукум заводунун директору Б.Атабековдун 1995-жылдын 1-августундагы № 34 буйругун жокко чыгарууну сурайт.