«Кыргыз Республикасындагы табигый жана уруксат берилген монополиялар жөнүндө» Кыргыз Республикасынын Мыйзамы (Долбоор) (2011-жылдын 19-апрелинде) (кабылданды) (күчүн жоготкон)

Долбоор

Кыргыз Республикасынын
Мыйзамы

Кыргыз Республикасындагы табигый жана уруксат берилген монополиялар жөнүндө

Мыйзам долбоору КР Өкмөтүнүн 2011-жылдын 19-апрелиндеги № 174 токтому менен жактырылган жана КР Жогорку Кеңешинин кароосуна жиберилген

КР Жогорку Кеңешинин 2011-жылдын 17-июнундагы № 662-V токтому ылайык биринчи окууда кабыл алынды

КР Жогорку Кеңешинин 2011-жылдын 30-июнундагы № 821-V токтомуна ылайык экинчи окууда кабыл алынды

Кабылданды - КР 2011-жылдын 8-августундагы № 149 Мыйзамын караңыз

1-берене. Мыйзамдын максаты

Бул Мыйзам Кыргыз Республикасындагы табигый жана уруксат берилген монополияларга карата мамлекеттик саясаттын укуктук негиздерин аныктайт жана сатылуучу товарлардын (иштердин, кызмат көрсөтүүлөрдүн) керектөөчүлөр үчүн жеткиликтүүлүгүн, ошондой эле табигый жана уруксат берилген монополиялардын субъекттеринин натыйжалуу иштөөсүн камсыз кылган табигый жана уруксат берилген монополиялардын субъекттери менен керектөөчүлөрдүн кызыкчылыктарынын балансына жетүүгө багытталган.

2-берене. Мыйзамды колдонуу чөйрөсү

Бул Мыйзам Кыргыз Республикасынын табигый жана уруксат берилген монополияларынын субъекттери, керектөөчүлөр, мамлекеттик органдар жана жергиликтүү өз алдынча башкаруу органдары катышуучу рынокто пайда болгон мамилелерге колдонулат.

Табигый монополиялардын чөйрөсүн экономикалык жактан негиздүү атаандаштык рыногунун абалына өтүүсүн токтотуп турууга жол берилбейт.

3-берене. Негизги түшүнүктөрдүн аныктамасы

Бул Мыйзамдын максаттары үчүн төмөнкү түшүнүктөр колдонулат: