«Мемлекеттік ветеринариялық-санитариялық бақылау объектілеріне ветеринариялық құжаттарды беру ережесін бекіту туралы» Қазақстан Республикасы Ауыл шаруашылығы министрінің м.а. 2009 жылғы 31 желтоқсандағы № 761 бұйрығына толықтырулар мен өзгерістер енгізу туралы» Қазақстан Республикасы Ауыл шаруашылығы министрінің 2011 жылғы 24 наурыздағы № 08-3/126 бұйрығы (қолданысқа енген жоқ)

«Мемлекеттік ветеринариялық-санитариялық бақылау объектілеріне ветеринариялық құжаттарды
 беру ережесін бекіту туралы» Қазақстан Республикасы Ауыл шаруашылығы министрінің м.а.
2009 жылғы 31 желтоқсандағы № 761 бұйрығына толықтырулар мен өзгерістер енгізу туралы
Қазақстан Республикасы Ауыл шаруашылығы министрінің 2011 жылғы 24 наурыздағы № 08-3/126 бұйрығы

БҰЙЫРАМЫН:

1. «Мемлекеттік ветеринариялық-санитариялық бақылау объектілеріне ветеринариялық құжаттарлы беру ережесін бекіту туралы» Қазақстан Республикасы Ауыл шаруашылығы министрінің м.а. 2009 жылғы 31 желтоқсандағы № 761 бұйрығына (Нормативтік құқықтық кесімдерді мемлекеттік тіркеу тізіліміне № 6029 болып тіркелген, Қазақстан Республикасының орталық атқарушы және өзге де орталық мемлекеттік органдарының нормативтік құқықтық актілер бюллетенінде жарияланған, 2010 жыл, № 10) мынадай толықтырулар мен өзгерістер енгізілсін:

бұйрықтың атауындағы және 1-тармағындағы «бақылаудағы» деген сөзден кейін «және қадағалаудағы» деген сөздермен толықтырылсын;

көрсетілген бұйрықпен бекітілген Мемлекеттік ветеринариялық-санитариялық бақылау объектілеріне ветеринариялық құжаттарды беру ережесінде:

атауында және бүкіл мәтін бойынша «ветеринариялық-санитариялық бақылаудағы», «ветеринариялық-санитариялық бақылау» деген сөздерден кейін тиісінше «және қадағалаудағы», «және қадағалау» деген сөздермен толықтырылсын;

2-тармақ мынадай мазмұндағы 14) және 15) тармақшалармен толықтырылсын:

«14) бизнес-сәйкестендіру нөмірі - бірлескен кәсіпкерлік түрінде қызметтерді жүзеге асыратын заңды тұлға (филиал және өкілдік) және жеке кәсіпкер үшін қалыптастырылатын бірегей нөмір (бұдан әрі - БСН);

15) жеке сәйкестендіру нөмірі - жеке тұлға, оның ішінде жеке кәсіпкерлік түрінде өзінің қызметін жүзеге асыратын жеке кәсіпкер үшін қалыптастырылатын бірегей нөмір (бұдан әрі - ЖСН).»;

14-тармақта:

үшінші абзацта:

«әкесінің аты» деген сөздерден кейін «, БСН (ЖСН)» деген сөздермен толықтырылсын;

«ветеринариялық» деген сөз «ветеринариялық-санитариялық» деген сөздермен толықтырылсын;