«Тауарлы балық өсіруді (акваөсіруді) дамыту мәселелері жөнінде жұмыс тобын құру туралы» Қазақстан Республикасы Ауыл шаруашылығы министрінің 2011 жылғы 25 наурыздағы № 16-02/132 бұйрығы (2011.25.10. берілген өзгерістер мен толықтырулармен) (күші жойылды)

Тауарлы балық өсіруді (акваөсіруді) дамыту мәселелері жөнінде жұмыс тобын құру туралы
Қазақстан Республикасы Ауыл шаруашылығы министрінің 2011 жылғы 25 наурыздағы № 16-02/132 бұйрығы

(2011.25.10. берілген өзгерістер мен толықтырулармен)

ҚР Ауыл шаруашылығы министрінің 2012 жылғы 11 маусымдағы № 6-2/314 бұйрығымен күші жойылды

БҰЙЫРАМЫН:

1. Осы бұйрыққа қосымшаға сәйкес Тауарлы балық өсіруді (акваөсіруді) дамыту бөлігінде ұсыныстар дайындау және Қазақстан Республикасының заңнамасына тиісті өзгерістер мен толықтырулар әзірлеу жөнінде жұмыс тобы (бұдан әрі - Жұмыс тобы) құрылсын.

2. Жұмыс тобы 2011 жылдың 1 мамырына дейін ағымдағы ахуалға талдауды есепке ала отырып:

1) қазіргі заманғы тауарлы балық өсіруді дамытуға қатысты нормативтік құқықтық актілерге өзгерістер мен толықтырулар енгізу;

2) тоғандық және индустриалдық жағдайларда бағалы балық түрлерін өсіру технологияларын пысықтау;

3) табиғи су айдындары мен тауарлы-көл шаруашылықтарының жағдайларында жайылымдық акваөсіруді дамыту;

4) балық өсіру объектілері үшін сапалы құрамажемдер мен басқа да жемдердің өндірісін дамыту;

5) балық өсірудегі тоғандық және индустриалдық процестерді механизациялау құралдарының өндірісін дамыту;

6) асыл тұқымды-селекциялық жұмыстарды дамыту мен тоғандық және индустриалдық балық шаруашылығын ғылыммен қамтамасыз ету бағыттарын қамтитын тауарлы балық өсіруді (акваөсіруді) дамыту бойынша Шебер жоспарын әзірлесін.

ҚР Ауыл шаруашылығы министрінің 2011.11.07. № 16-02/389 бұйрығымен 2-1-тармақпен толықтырылды

2-1. Жұмыс тобы Шебер-жоспарды әзірлену барысы туралы ақпаратты әр айдың 15-ші және 30-шы күндерінен кешіктірмей ұсынсын.