(БҰРЫНҒЫ РЕДАКЦИЯ) ШЕТЕЛДІКТЕР МЕН АЗАМАТТЫҒЫ ЖОҚ ТҰЛҒАЛАРҒА ҚАТЫСТЫ...

Осы редакция 2011 жылғы 14 сәуірде енгізілген өзгерістеріне дейін қолданылды

Қазақстан Республикасы

Қаржы министрінің 2010 жылғы

20 желтоқсандағы № 644 бұйрығымен

 бекітілген

Шетелдіктер мен азаматтығы жоқ

тұлғаларға қатысты жеке табыс салығы

және әлеуметтік салық бойынша

декларацияға (210.00-нысан) қосымша

Шетелдіктер мен азаматтығы жоқ тұлғаларға қатысты жеке табыс салығы және әлеуметтік
салық бойынша салық есептілігін (декларацияны) жасау
ережесі
(210.00-нысан)
 
 
1. Жалпы ережелер
 

1. Осы Ережелер «Салық және бюджетке төленетін басқа да міндетті төлемдер туралы» 2008 жылғы 10 желтоксандағы 2008 жылғы 10 желтоқсандағы 2008 жылғы 10 желтоқсандағы 2008 жылғы 10 желтоқсандағы 2008 жылғы 10 желтоқсандағы Қазақстан Республикасының Кодексіне (Салық кодексі), «Қазақстан Республикасында зейнетақымен қамсыздандыру туралы» (бұдан әрі - Зейнетақымен қамсыздандыру туралы заң), «Міндетті әлеуметтік сақтандыру туралы» (бұдан әрі - Міндетті әлеуметтік сақтандыру туралы) Қазақстан Республикасының Заңдарына сәйкес әзірленген.

Ереже жеке табыс салығын, әлеуметтік салықты есептеуге, сондай-ақ жинақтаушы зейнетақы қорына міндетті зейнетақы жарналарын (бұдан әрі - міндетті зейнетақы жарналары) есептеуге, ұстап қалуға (есептеуге) және аударуға, Мемлекеттік әлеуметтік сақтандыру қорына әлеуметтік аударымдар сомаларын (бұдан әрі - әлеуметтік аударымдар) қоса есептеуге арналған, шетелдіктер мен азаматтығы жоқ тұлғалар бойынша жеке табыс салығы мен әлеуметтік салық бойынша салық есептілігі нысаны (декларацияны) (бұдан әрі - Декларация) жасау тәртібін айқындайды.

Декларацияны шаруа және фермер қожалықтарына және шағын бизнес субъектілеріне арналған оңайлатылған декларация негізінде арнаулы салық режимдерін қолданатындарды қоспағанда, Салық кодексінің 6-бөлімі 18, 19-тарауларына, 7-бөлімі 25-тарауына, 12-бөліміне сәйкес шетелдіктерге және азаматтығы жоқ адамдарға қатысты салық агенттері жасайды.