«Қазақстан мемлекеттілігінің құрылуы мен дамуы тақырыбындағы ең үздік материалға журналистер мен фототілшілер арасында шығармашылық конкурс өткізу туралы» Қазақстан Республикасы Байланыс және ақпарат министрінің 2011 жылғы 24 мамырдағы № 145 бұйрығы (2011.29.11. берілген өзгерістер мен толықтырулармен)

Қазақстан мемлекеттілігінің құрылуы мен дамуы тақырыбындағы ең үздік материалға журналистер мен фототілшілер арасында шығармашылық конкурс өткізу туралы
Қазақстан Республикасы Байланыс және ақпарат министрінің 2011 жылғы 24 мамырдағы № 145 бұйрығы

(2011.29.11. берілген өзгерістер мен толықтырулармен)

Қазақстан Республикасы Президентінің 2011 жылғы 27 қаңтардағы № 1144 Жарлығымен бекітілген Қазақстан Республикасы Тәуелсіздігінің 20 жылдығын өткізу жөніндегі іс-шаралар жоспарының 82-тармағын және Қазақстан Республикасы Үкіметінің 2011 жылғы 25 ақпандағы № 184 қаулысымен бекітілген Қазақстан Республикасы Тәуелсіздігінің 20 жылдығы жылын өткізу жөніндегі іс-шаралар жоспарының 103-тармағын орындауда БҰЙЫРАМЫН:

1. Қоса беріліп отырған:

1) Қазақстан мемлекеттілігінің құрылуы мен дамуы тақырыбындағы ең үздік материалға журналистер мен фототілшілер арасында шығармашылық конкурс туралы ереже (бұдан әрі - Ереже);

2) Қазақстан мемлекеттілігінің құрылуы мен дамуы тақырыбындағы ең үздік материалға журналистер мен фототілшілер арасында шығармашылық конкурс өткізу комиссиясының құрамы бекітілсін. (ұсынылмады)

2. Қазақстан Республикасы Байланыс және ақпарат министрлігінің Бұқаралық ақпарат құралдары саласындағы мемлекеттік саясат департаменті (М.Р. Әбсаттаров) Астана қаласында Қазақстан мемлекеттілігінің құрылуы мен дамуы тақырыбындағы ең үздік материалға журналистер мен фототілшілер арасында шығармашылық конкурс (бұдан әрі - Конкурс) өткізуді ұйымдастырсын.

3. Қазақстан Республикасы Байланыс және ақпарат министрлігінің Ақпарат және мұрағат комитеті (Б.Т. Берсебаев) осы бұйрықпен бекітілген Ереженің талаптарына сәйкес Конкурсты өткізу туралы ақпараттық хабарламаны бұқаралық ақпарат құралдарында жариялануын қамтамасыз етсін.