Кыргыз Республикасынын Жогорку Сотунун 2011-жылдын 19-апрелиндеги № АД-185/09 МД токтому
Иш № АД-185/09 МД К/ө № 06-91/11 АД
Кыргыз Республикасынын Жогорку Сотунун административдик жана экономикалык иштер боюнча соттук коллегиясы курамында: төрагалык кылуучу: Арапбаев Н.М., судьялар: Осмоналиев К.Т., Аманалиева Б., сот отурумунун катчысы: Бекенов Т., тараптар: К.Маматкулованын өкүлү - Ж. Бекжигитованын (2010-жылдын 6-сентябрындагы ишеним каттын негизинде) катышуусу менен соттун ачык отурумунда К.Маматкулованын Жалал-Абад областынын райондор аралык сотунун 2010-жылдын 30-ноябрындагы чечимине, ал чечим менен К.Маматкулованын арызы канааттандыруусуз калтырылган (төрагалык кылган: Алаев М.) жана Жалал-Абад областтык сотунун административдик жана экономикалык иштер боюнча соттук коллегиясынын 2011-жылдын 21-январындагы аныктамасына, ал аныктама менен Жалал-Абад областынын райондор аралык сотунун 2010-жылдын 30-ноябрындагы чечими өзгөртүүсүз калтырылган (судьялар: Молдобаев А.М., Арзыбаев А.С., Каипова Н.К.) келтирилген көзөмөл даттануусун карап, баяндамачы судья Б.Аманалиеванын иш боюнча берген баяндамасын, ишке катышкан жактын өкүлүнүн түшүндүрмөлөрүн угуп, ТАПТЫ: Жаран Маматкулова Керемет Жалал-Абад областынын райондор аралык сотуна Сузак айылдык кеңешинин президиумунун 1993-жылдын 26-июлундагы № 29 - буйругун эч нерсеге татыбас, юридикалык күчүн жоготкон буйрук деп таап берүү жөнүндөгү арыз менен кайрылган. Арызда, Маматкулова К. Сузак районундагы Сузак айылынын Дакан Палван көчөсүндө жайгашкан турак жай эмес имаратты 2007-жылдын 16-августунда түзүлгөн сатуу-сатып алуу келишиминин негизинде жер участогу менен сатып алгандыгы, келишим Сузак райондук мамлекеттик нотариусу аркылуу күбөлөндүрүлгөндүгү, ал эми 2007-жылдын 6-сентябрында Сузак райондук мамлекеттик жерге жайгаштыруу жана кыймылсыз мүлккө укуктарды каттоо башкармалыгы тарабынан № 721 сан менен келишимден келип чыккан анын менчик укугу катталгандыгы, ал эми 2009-жылдын 20-ноябрында сотто башка жарандык иш каралып жаткан учурда Сузак айылдык кеңешинин президиумунун 1993-жылдын 26-июлундагы № 29 - буйругу бар экендиги белгилүү болгондугу, ага чейин буйрук жөнүндө арыз ээси билбегендиги, ал буйрукту жасалма деп эсептери белгиленип, өткөрүп жиберилген жогорудагы арыз менен сотко кайрылуу мөөнөтүн калыбына келтирип, арызды канааттандыруу суралган. Биринчи жана апелляциялык инстанциядагы соттор тарабынан жогорудагыдай соттук актылар кабыл алынган. Документ показан в сокращенном демонстрационном режиме
Чтобы продолжить, выберите ниже один из вариантов оплаты
Доступ к документам и консультации
от ведущих специалистов
Вы можете купить этот документ
Как купить документ? 400 тг
|