«Қазақстан Республикасы Конституциясының 53-бабының 2-тармақшасына ресми түсіндірме беру туралы» Қазақстан Республикасы Конституциялық Кеңесінің 1996 жылғы 24 желтоқсандағы № 9/2 Қаулысы (күші жойылды)

Қазақстан Республикасы Конституциясының 53-бабының 2-тармақшасына ресми түсіндірме беру туралы
Қазақстан Республикасы Конституциялық Кеңесінің 1996 жылғы 24 желтоқсандағы № 9/2 Қаулысы

ҚР Конституциялық Кеңесінің 2011 жылғы 27 сәуірдегі № 4 Нормативтік қаулысымен күші жойылды

Құрамында Конституциялық Кеңестің Төрағасы Ю.А.Ким және Конституциялық Кеңестің мүшелері Н.И.Акуев, О.Қ.Ихсанов, В.В.Мамонов, С.Н.Сәбікенов, С.Ғ.Темірболатов, В.Д.Шопин, Қазақстан Республикасы Премьер-Министрінің өкілі, Қазақстан Республикасы Қаржы министрінің орынбасары Р.Қ.Тоқсейітовтің; Қазақстан Республикасының Парламенті Мәжілісінің өкілі, депутат И.К.Елекеевтің; экономика ғылымдарының докторы - маман В.Д.Мельниковтың қатысумен, Қазақстан Республикасы Конституциясының 72-бабының 1-тармағының 4-тармақшасын және «Қазақстан Республикасының Конституциялық Кеңесі туралы» Қазақстан Республикасы Президентінің конституциялық заң күші бар Жарлығының 17-бабы 3-тармағының 1-тармақшасын басшылыққа ала отырып, Қазақстан Республикасының Конституциялық Кеңесі ашық отырыста Қазақстан Республикасының Премьер-Министрі Ә.М.Қажыгелдиннің Қазақстан Республикасы Конституциясының 53-бабының 2-тармақшасына ресми түрде түсіндірме беру жөніндегі өтінішін қарады.

Баяндамашы - Конституциялық Кеңестің мүшесі Н.И.Акуевтің хабарламасын, өтініш субъектісі мен Парламент Мәжілісі өкілдерінің түсініктемесін, маман В.Д.Мельниковтың қорытынды пікірін тыңдай келіп, қолда бар жадығаттарды оқып-зерттей келіп, Қазақстан Республикасының Конституциялық Кеңесі мыналарды анықтады:

1996 жылғы қарашаның 26-сында Қазақстан Республикасының Конституциялық Кеңесіне Қазақстан Республикасының Премьер-Министрі Ә.М.Қажыгелдиннің Қазақстан Республикасы Конституциясының 53-бабының 2-тармақшасына ресми түсіндірме беру жөніндегі өтініші келіп түсті. Өтініште республикалық бюджет және республикалық бюджетті орындау жөніндегі есеп бір жылдық мерзім дегенді білдіреді деп түсінуге бола ма деген мәселе қойылады.