Мәдени құндылықтарды заңсыз әкелуге, әкетуге және оларға меншік құқығын беруге тыйым салу мен олардың алдын алуға бағытталған шаралар туралы конвенция (Париж қ,, 1970 жылғы 14 қарашада)

Мәдени құндылықтарды заңсыз әкелуге, әкетуге және оларға меншік құқығын беруге
тыйым салу мен олардың алдын алуға бағытталған шаралар туралы
конвенция
(Париж қ,, 1970 жылғы 14 қарашада)

ҚР 2011 жылғы 9 желтоқсандағы № 507-ІV Заңымен ратификацияланды

2012 жылғы 9 мамырда күшіне енді

Біріккен Ұлттар Ұйымының Білім, ғылым және мәдениет мәселелері жөніндегі бас конференциясы 1970 жылғы 12 қазаннан 14 қараша аралығында Парижде өзінің он алтыншы сессиясына жиналып,

Бас конференцияның он төртінші сессиясында (1966 ж.) қабылданған Мәдениет саласындағы халықаралық ынтымақтастық принциптері декларациясы ережелерінің маңыздылығын еске сала отырып,

білім, ғылым және мәдениет мақсаттары үшін елдер арасындағы мәдени құндылықтармен алмасу адамзат өркениеті туралы білімді кеңейтеді, барлық халықтардың мәдени өмірін байытады және елдер арасында өзара сыйластық пен түсіністікті туындатады деп есептей отырып,

мәдени құндылықтар халықтар өркениеті мен мәдениетінің негізгі элементтерінің бірі болып табылады және олар шығу төркіні, тарихы мен қоршаған ортасы нақты белгілі болған жағдайда ғана өзінің шынайы құндылығына ие болады деп есептеп,

әрбір мемлекет өз аумағындағы мәдени құндылықтардан тұратын игілікті қауіпті ұрлау қаупінен, жасырын қазу мен заңсыз әкетудегі қорғауға міндетті деп есептей отырып,

осы қауіптердің алдын алу үшін, әр мемлекет өзінің мәдени игілігіне де, сондай-ақ барлық халықтардың мәдени игілігіне де моральдық міндеттемелер сезімін одан сайын тереңдете түсуі керек деп есептеп, мәдениет мекемелері бола отырып, мұражайлар, кітапханалар мен мұрағаттар өз коллекцияларын жалпыға танылған моральдық қағидаттардың негізінде жасаудың қамын ойластыруы тиіс деп есептей отырып,