Кыргыз Республикасынын Жогорку Сотунун административдик жана экономикалык иштер боюнча соттук коллегиясынын 2011-жылдын 25-майындагы № АД-167/10 МД токтому

Кыргыз Республикасынын Жогорку Сотунун административдик жана экономикалык иштер боюнча соттук коллегиясынын 2011-жылдын 25-майындагы № АД-167/10 МД токтому

№ АД-167/10 МД иши

көз. өнд. № 06-203/11 АД

Кыргыз Республикасынын Жогорку Сотунун административдик жана экономикалык иштер боюнча соттук коллегиясынын курамында:

төрагалык кылуучу: Д.Максимбекова (баяндамачы-судья),

судьялар: К.Осмоналиев, Н.Арапбаев,

сот отурумунун катчысы: Т.Бекенов,

тараптарсыз,

соттун ачык отурумунда жарандар А.Матазимовдун, Ж.Маматовдун Кызыл-Туу айыл округуна, Сузак райондук кыймылсыз мүлктөргө болгон укуктарды каттоо башкармалыгына карата Кызыл-Туу айыл өкмөтүнүн 2008-жылдын 1-декабрындагы № 235 токтомун жана мамлекеттик актыны жарым жартылай жараксыз табуу арызы боюнча кабыл алынган Жалал-Абад областтык сотунун 2011-жылдын 25-февралындагы аныктамасына карата келтирген М.Сыргабаеванын даттануусун карады.

Жалал-Абад областынын райондор аралык сотунун 2010-жылдын 28-декабрындагы аныктамасы менен А.Матазимов жана Ж.Маматовдордун доо арызы боюнча сот ишин жүргүзүү токтотулган (төрагалык кылган: Айжигитов А.А.).

Жалал-Абад областтык сотунун административдик жана экономикалык иштер боюнча соттук коллегиясынын 2011-жылдын 25-февралындагы токтому менен Жалал-Абад областынын райондор аралык сотунун 2010-жылдын 28-декабрындагы аныктамасы бузулган, иш жаңы кароого ошол эле сотко жөнөтүлгөн. Доогерлер А.Матазимов жана Ж.Маматовдордун кассациялык арызы канааттандырылган (төрагалык кылуучу: Чаканов Э.С., судья: Каипова Н.К., баяндоочу-судья: Саматов А.А.).

тапты:

А.Матазимов жана Ж.Маматовдор Жалал-Абад областынын райондор аралык сотуна Кызыл-Туу айыл округуна, Сузак райондук Госрегистрине, кызыккан тарап М.Сыргабаевага карата Кызыл-Туу айыл өкмөтүнүн 2008-жылдын 1-декабрындагы № 235 токтомун жана 2005-жылдын 1-ноябрындагы менчик укугу жөнүндөгү мамлекеттик актыны жарым-жартылай 298-контурга которулган бөлүгүн жараксыз деп табуу арызы менен кайрылышкан. Ошондой эле сотко кайрылуу мөөнөтүн калыбына келтирүү өтүнүчү менен кайрылышкан.

Биринчи жана экинчи инстанция соттор тарабынан жогоркудай соттук актылар кабыл алынган.