(МУРУНКУ РЕДАКЦИЯСЫ) КР ӨКМӨТҮНҮН 2008.20.05 № 232-Б БУЙРУГУ

Кыргыз Республикасынын Өкмөтүнүн 2008-жылдын 20-майындагы № 232-б буйругу

Бул редакция 2009.16.10. өзгөртүүлөр киргизилгенге чейин күчүндө болгон

«Мамлекеттик материалдык резерв жөнүндө» Кыргыз Республикасынын Мыйзамынын 3 жана 13-статьяларына ылайык, жаратылыш катаклизмине туш болгон калкты азык-түлүк менен камсыздоодо түзүлгөн татаал экономикалык кырдаалга байланыштуу Тажикстан Республикасынын жана Афганстан Ислам Республикасынын калкына гуманитардык жардам көрсөтүү максатында:

1. Кыргыз Республикасынын Өкмөтүнө караштуу Мамлекеттик сатып алуулар жана материалдык резервдер боюнча мамлекеттик агенттик белгиленген тартипте Кытай Эл Республикасынан келүүчү ундун көлөмүнөн 1-сорттогу 200 тонна унду төмөнкүлөргө бөлүп берсин:

- Тажикстан Республикасына - 100 тонна;

- Афганстан Ислам Республикасына - 100 тонна.

2. Кыргыз Республикасынын Өзгөчө кырдаалдар министрлиги Кыргыз Республикасынын Ош шаарынан аталган унду Тажикстан Республикасына жана Афганстан Ислам Республикасына жеткирүүнү уюштурсун.

3. Кыргыз Республикасынын Тышкы иштер министрлиги аталган өлкөлөрдүн тышкы иштер министрликтерине жапа чеккен калкка көрсөтүлгөн гуманитардык жардам жөнүндө билдирсин.