«Әкімшілік деректерді жинақтауға арналған нысандарды және оларды толтыру жөніндегі нұсқаулықтарды бекіту туралы» Қазақстан Республикасы Туризм және спорт министрінің 2011 жылғы 11 шілдедегі № 02-02-18/134 бұйрығы (күші жойылды)

Әкімшілік деректерді жинақтауға арналған нысандарды және оларды толтыру жөніндегі нұсқаулықтарды бекіту туралы
Қазақстан Республикасы Туризм және спорт министрінің 2011 жылғы 11 шілдедегі № 02-02-18/134 бұйрығы

ҚР Спорт және дене шынықтыру істері агенттігі төрағасының 2013 жылғы 22 ақпандағы № 49 бұйрығымен күші жойылды

«Дене шынықтыру және спорт туралы» Қазақстан Республикасының 1999 жылғы 2 желтоқсандағы Заңының 23-бабының 2) тармақшасына, «Мемлекеттік статистика туралы» Қазақстан Республикасының 2010 жылғы 19 наурыздағы Заңының 16-бабы 3-тармағының 2) тармақшасына сәйкес, БҰЙЫРАМЫН:

1. Бекітілсін:

1) әкімшілік деректерді жинақтауға арналған «Дене шынықтыру және спорт саласының негізгі көрсеткіштері» нысаны осы бұйрыққа 1-қосымшаға сәйкес;

2) әкімшілік деректерді жинақтауға арналған «Дене шынықтыру және спорт саласының негізгі көрсеткіштері» нысанын толтыру жөніндегі нұсқаулық осы бұйрыққа 2-қосымшаға сәйкес;

3) әкімшілік деректерді жинақтауға арналған «Спорт мектептерінің есебі» нысаны осы бұйрыққа 3-қосымшаға сәйкес;

4) әкімшілік деректерді жинақтауға арналған «Спорт мектептерінің есебі» нысанын толтыру жөніндегі нұсқаулық осы бұйрыққа 4-қосымшаға сәйкес;

5) әкімшілік деректерді жинақтауға арналған «Мамандырылған оқу-спорттық мекемелердің есебі» нысаны осы бұйрыққа 5-қосымшаға сәйкес;

6) әкімшілік деректерді жинақтауға арналған «Мамандырылған оқу-спорттық мекемелердің есебі» нысанын толтыру жөніндегі нұсқаулық осы бұйрыққа 6-қосымшаға сәйкес;

7) әкімшілік деректерді жинақтауға арналған «Мамандандырылған спорт мекемелерінің есебі» нысаны осы бұйрыққа 7-қосымшаға сәйкес;

8) әкімшілік деректерді жинақтауға арналған «Мамандандырылған спорт мекемелерінің есебі» нысанын толтыру жөніндегі нұсқаулықты осы бұйрыққа 8-қосымшаға сәйкес.