«1941-1945-жылдардагы Улуу Ата-Мекендик согуштун ардагерлерин социалдык жактан колдоо боюнча кошумча чаралары жөнүндө» Кыргыз Республикасынын Калкты социалдык коргоо министрлигинин 2011-жылдын 22-апрелидагы № 37 буйругу (күчүн жоготкон)

1941-1945-жылдардагы Улуу Ата-Мекендик согуштун ардагерлерин социалдык жактан колдоо боюнча кошумча чаралары жөнүндө
Кыргыз Республикасынын Калкты социалдык коргоо министрлигинин 2011-жылдын 22-апрелидагы № 37 буйругу

КР Социалдык өнүгүү министрлигинин 2012-жылдын 19-апрелиндеги № 52 буйругуна ылайык күчүн жоготту

Улуу Ата-Мекендик согуштагы Жеңиштин 66-жылдыгынын урматына, ошондой эле кыргызстандыктардын согуш жылдарында фронтто жана оорукта көрсөткөн баатырдыгын жана каармандыгын ызаатап, Кыргыз Республикасынын Өкмөтүнүн 2011-жылдын 21-апрелиндеги № 180 «1941-1945-жылдардагы Улуу Ата-Мекендик согуштун ардагерлерин социалдык жактан колдоо боюнча кошумча чаралары жөнүндө» токтомун аткаруу боюнча буйрук кылам:

1. Социалдык коргоо жана гуманитардык жардам департаменти:

- 1941-1945-жылдардагы Улуу Ата-Мекендик согуштун ардагерлерине бир жолку акчалай жөлөкпул 2011-жылдын 23-апрелине чейин Пландоо жана финансылоо башкармалыгына райондор жана шаарлар боюнча бир жолку акчалай жөлөкпул (мындан ары - жөлөкпул) төлөөнү финансылоого табыштаманы берсин;

- 2011-жылдын 20-июнга чейин райондор жана шаарлар боюнча жүргүзүлгөн төлөөлөр жөнүндө жалпыланган отчетту даярдап, Пландоо жана финансылоо башкармалыгына берсин.

2. Пландоо жана финансылоо башкармалыгы:

- 2011-жылдын 25-апрелине чейин Социалдык коргоо жана гуманитардык жардам департаментинин табыштамасына ылайык, райондук жана шаардык социалдык коргоо башкармалыктарына акча каражаттарын которсун;