«Қазақстан Республикасы мемлекеттік пошта төлемі белгілерін пошта айналымына енгізу туралы» Қазақстан Республикасы Байланыс және ақпарат министрінің м.а. 2011 жылғы 2 тамыздағы № 231 бұйрығы

Қазақстан Республикасы мемлекеттік пошта төлемі белгілерін пошта айналымына енгізу туралы
Қазақстан Республикасы Байланыс және ақпарат министрінің м.а. 2011 жылғы 2 тамыздағы № 231 бұйрығы

«Пошта туралы» Қазақстан Республикасы Заңының 8-бабы 2-тармағының 8) және 9) тармақшаларына және Қазақстан Республикасы Байланыс және ақпарат министрінің 2010 жылғы 22 шілдедегі № 147 бұйрығымен бекітілген 2011 жылға арналған Қазақстан Республикасының мемлекеттік пошта төлемі белгілерін шығарудың тақырыптық жоспарына сәйкес БҰЙЫРАМЫН:

1. Қазақстан Республикасының аумағы бойынша пошта айналымына төмендегі мемлекеттік пошта төлемі белгілері енгізілсін:

1) «Қазақстанның ежелгі мәнеттері» сериясынан төрт көркем суретті пошта маркасы.

Маркалардың номиналы 32 (отыз екі) теңге, әр марканың таралымы 50 000 (елу мың) дана, перфорациясы жоталы, төрт түсті бояумен офсеттік тәсілмен «Белорусь баспа үйі» баспасы Республикалық біртұтас кәсіпорнында (Беларусь Республикасы) басылып шыққан, әр марканың өлшемі 28 х 40 мм, парақтағы маркалар саны 8 (сегіз) дана, суретші Д. Мұхамеджанов, пошта айналымына енгізу күні 2011 жылғы 7 қыркүйек;