«Некеге тұруды тіркеуге өтініш беру» электрондық мемлекеттік қызмет регламенті (Қазақстан Республикасы Әділет министрінің 2011 жылғы 27 маусымдағы № 236 бұйрығына 2-қосымша) (күші жойылды)

ҚР Әділет министрінің 2012 жылғы 29 қарашадағы № 389 бұйрығымен күші жойылды

Қазақстан Республикасы

Әділет министрінің

2011 жылғы 27 маусымдағы

№ 236 бұйрығына

2-қосымша

«Некеге тұруды тіркеуге өтініш беру»
электрондық мемлекеттік қызмет регламенті
 
1. Жалпы ережелер

1. «Некеге тұруды тіркеуге өтініш беру» электрондық мемлекеттік қызметті (бұдан әрі - электрондық мемлекеттік қызмет) Қазақстан Республикасы Әділет министрлігінің Тіркеу қызметі және құқықтық көмек көрсету комитетінің «Азаматтық хал актілері жазбасы» ақпараттық жүйесі (бұдан әрі - АХАЖ АЖ) «электрондық үкімет» порталы арқылы көрсетеді.

2. Электрондық ақпараттық қызмет «Мемлекеттік қызмет стандарттарын бекіту туралы» Қазақстан Республикасы Үкіметінің 2009 жылғы 15 желтоқсандағы № 2121 қаулысының негізінде жүзеге асырылады.

3. Көрсетілетін мемлекеттік қызметтің автоматтандыру дәрежесі:

жартылай автоматтандырылған (өтініш беру үдерісі автоматтандырылған).

4. Электрондық мемлекеттік қызмет көрсету түрі: транзакциялық.

5. Осы Регламентте пайдаланылатын ұғымдар мен қысқартулар:

1) «Азаматтық хал актілерінің жазбасы» ақпараттық жүйесі (бұдан әрі - АХАЖ АЖ) - азаматтық хал актілерін тіркеу үшін аппараттық-бағдарламалық кешенді қолдана отырып, ақпаратты сақтауға, өңдеуге, іздестіруге, таратуға, беруге және ұсынуға арналған жүйе;

2) ақпаратты криптографиялық қорғау құралдары (бұдан әрі - АКҚҚ) - оның мағынасын жасыру не/немесе түпнұсқаландыруды қамтамасыз ету (түпнұсқаландыру деп ақпараттың түпнұсқа екенін анықтау түсініледі және алынған ақпарат бұрмаланбай берілді дегенді білдіреді) мақсатында ақпаратты қайта құрудың алгоритмдері мен әдістері;

3) жеке сәйкестендіру нөмір (бұдан әрі - ЖСН) - жеке тұлға, соның ішінде қызметін өзіндік кәсіпкерлік түрінде жүзеге асыратын дара кәсіпкер үшін қалыптастырылатын бірегей нөмір;