«Ысыккөл облустук мамлекеттик администрациясынын 2005-жылдын 29-декабрындагы 395 номерлүү «2006-жылга Ысыккөл облустук бюджети жана 2004-жылдагы облустук бюджеттин аткарылышы жөнүндөгү» токтомуна өзгөртүүлөрдү жана толуктоолорду киргизүү жөнүндө» Ысыккөл Облустук Мамлекеттик администрациясынын 2006-жылдын 23-мартындагы № 72 токтому

Ысыккөл облустук мамлекеттик администрациясынын 2005-жылдын 29-декабрындагы 395 номерлүү «2006-жылга Ысыккөл облустук бюджети жана 2004-жылдагы облустук бюджеттин аткарылышы жөнүндөгү» токтомуна өзгөртүүлөрдү жана толуктоолорду киргизүү жөнүндө
Ысыккөл Облустук Мамлекеттик администрациясынын 2006-жылдын 23-мартындагы № 72 токтому

«2006-жылга Кыргыз Республикасынын республикалык бюджети жөнүндөгү» Мыйзамынын кабыл алынышына, Каржы жана экономика Министрлиги тарабынан 2006-жылдын бюджети боюнча облустун бюджетинин контролдук цифраларын өзгөрткөндүгүнө байланыштуу, өз ара эсептешүү боюнча республикалык бюджетке берилүүчү жана бюджеттик мекемелердин каражаттарынын көлөмдөрүнө өзгөртүүлөрдө киргизүү боюнча Ысыккөл облустук мамлекеттик администрациясы токтом кылат:

1. Ысыккөл облустук мамлекеттик администрациясынын 2006-жылдын 13-мартындагы 60-номерлүү «Ысыккөл облустук мамлекеттик администрациясынын 2005-жылдын 29-декабрындагы 395-номерлүү «2006-жылга Ысыккөл облустук бюджети жана 2004-жылдагы облустук бюджеттин аткарылышы жөнүндөгү» токтомуна өзгөртүүлөрдү жана толуктоолорду киргизүү жөнүндөгү» токтому күчүн жоготту деп табылсын.

2. Ысыккөл облустук мамлекеттик администрациясынын 2006-жылдын 29-декабрындагы 395 номерлүү токтомунун 9 пункту өзгөртүлүп, өз ара эсептешүү боюнча республикалык бюджетке берилүүчү каражаттардын көлөмдөрү төмөндөгүдөй бекитилсин:

- Аксуу районунан 1 млн.111,4 миң сом;

- Жетиөгүз районунан 12 млн.377,2 миң сом;

- Ысыккөл районунан 28 млн.269,4 миң сом;

- Балыкчы шаарынан 530,0 миң сом;

- Облустук бюджеттен 9 млн.433,2 миң сом;

Жалпы суммасы 51 млн.721,2 миң сом.

3. Жалпы республикалык маанидеги салыктардын 2006-жылга каралган № 2 тиркемедеги контингенттери Балыкчы шаарына акциз салыгы 18,0 млн. сом менен толукталсын.

4. Жогоруда көрсөтүлгөн токтомдун 12-пункту өзгөртүлүп, кирешелерин чыгымдар менен теңдештирүү максатында облустук бюджеттен чегерүүлөрдүн эсебинен толуктоочу грант Тоң районуна 5 млн.756,3 миң сом; Түп районуна 1 млн.872,8 миң сом жана Каракол шаарына 5 млн.430,0 миң сом көлөмдөрүндө бекитилсин.