Кыргыз Республикасынын Жогорку Сотунун 2011-жылдын 4-октябрындагы № АД-35/2010-МД токтому

Кыргыз Республикасынын Жогорку Сотунун 2011-жылдын 4-октябрындагы № АД-35/2010-МД токтому

Иш № АД-35/2010-МД

Көз./өнд. № 6-364/11 АД

Кыргыз Республикасынын Жогорку Сотунун административдик жана экономикалык иштер боюнча соттук коллегиясы курамында

төрагалык кылуучу: Максимбекова Д.И.,

судьялар: Осмоналиев К.Т., Арстанбаева Д.Э.,

сот отурумунун катчысы: Калиев Н.,

тараптар: Д.Абдыразаковдун өкүлү Ч.Жумабековдун (2011-жылдын 3-сентябрындагы ишеним каты), Р.Смаилованын катышуусунда, соттун ачык отурумунда, Жалал-Абад областтык сотунун административдик жана экономикалык иштер боюнча соттук коллегиясынын 2010-жылдын 13-сентябрындагы токтомуна карата келтирген Р.Смаилованын көзөмөл даттануусун карап, ал токтом менен Жалал-Абад областтык райондор аралык сотунун 2010-жылдын 14-апрелиндеги ушу иш боюнча кабыл алынган чечими бузулуп, иш боюнча сот ишин жүргүзүү токтотулган, кассациялык даттануу канааттандырылган

(төрагалык кылган: Чаканов Э.С., судья: Камбаралиев С.К, судья-баяндоочу: Саматов А.А.)

баяндамачы-судья Ж.Арстанбаеванын иши боюнча берген маалыматын соттук отурумга катышкан тараптардын берген түшүндүрмөлөрүн угуп, тапты:

Р.Смаилова сотко Ничке-Сай айыл округуна, Д.Абдыразаковго карата Ничке-Сай айылдык кеңешинин 23 чакырылышынын 11 сессиясында кабыл алынган 1999-жылдын 27-ноябрындагы № 7 токтомун жана Ничке-Сай айыл өкмөтүнүн 1999-жылдын 29-ноябрындагы № 25 буйругун жокко чыгаруу жөнүндөгү доо арыз менен кайрылган.