Клиникалық - шығынды топтар бойынша стационарлық және стационарды алмастыратын медициналық қызметтерге ақы төлеу әдістемелері пилоттық енгізілетін медициналық ұйымдар үшін республикалық бюджет қаражатының есебінен қаржыландырылатын, тегін медициналық көмектің кепілдік берілген көлемінің шеңберінде медициналық қызметтерге ақы төлеу үшін көрсетілген медициналық көмектің сапасы мен көлемін және құжаттарды қалыптастыруды бақылау қағидасы (Қазақстан Республикасы Денсаулық сақтау министрінің 2011 жылғы 4 қазандағы № 679 бұйрығына 2-қосымша) (күші жойылды)

Қазақстан Республикасы

Денсаулық сақтау министрінің

2011 жылғы 4 қазандағы

№ 679 бұйрығына 2-қосымша

ҚР Денсаулық сақтау министрінің 2012 жылғы 5 қаңтардағы № 3 бұйрығымен 2012 жылғы 1 қаңтардан бастап күші жойылды

Клиникалық - шығынды топтар бойынша стационарлық және стационарды алмастыратын медициналық қызметтерге ақы төлеу әдістемелері пилоттық енгізілетін медициналық ұйымдар үшін республикалық бюджет қаражатының есебінен қаржыландырылатын, тегін медициналық көмектің кепілдік берілген көлемінің шеңберінде медициналық қызметтерге ақы төлеу үшін көрсетілген медициналық көмектің сапасы мен көлемін және құжаттарды қалыптастыруды бақылау
қағидасы
 
 
1. Жалпы ережелер

Осы қағида клиникалық - шығынды топтар бойынша стационарлық және стационарды алмастыратын медициналық қызметтерге ақы төлеу әдістемелері пилоттық енгізілетін медициналық ұйымдар үшін республикалық бюджет қаражатының есебінен қаржыландырылатын, тегін медициналық көмектің кепілдік берілген көлемінің шеңберінде медициналық қызметтерге ақы төлеу үшін көрсетілген медициналық көмектің сапасымен көлемін және құжаттарды қалыптастыруды бақылау тәртібін белгілейді.

2. Қағида «Халық денсаулығы және денсаулық сақтау жүйесі туралы» Қазақстан Республикасының 2009 жылғы 18 қыркүйектегі кодексіне, «Тегін медициналық көмектің кепілдік берілген көлемін көрсету бойынша медициналық қызметтерді сатып алуды ұйымдастыру және өткізу ережесін бекіту туралы» Қазақстан Республикасы Үкіметінің 2009 жылғы 19 қарашадағы № 1888 қаулысына сәйкес әзірленген.

3. Осы қағида мыналарға қолданылады:

денсаулық сақтау саласындағы уәкілетті орган белгілеген клиникалық - шығынды топ (бұдан әрі - КШТ) бойынша стационарлық және стационарды алмастырушы медициналық көмекке ақы төлеу әдістемесін пилоттық енгізу медициналық ұйымдары (бұдан әрі - пилоттық ұйымдар);