«Қылмыстық-атқару жүйесі мекемелеріндегі діни ғимараттардың қызметіне бақылауды күшейту туралы» Қазақстан Республикасы Ішкі істер министрінің 2011 жылғы 23 тамыздағы № 431 бұйрығы (күші жойылды)

Қылмыстық-атқару жүйесі мекемелеріндегі діни ғимараттардың қызметіне бақылауды күшейту туралы
Қазақстан Республикасы Ішкі істер министрінің 2011 жылғы 23 тамыздағы № 431 бұйрығы

ҚР Ішкі істер министрінің 2016 жылғы 10 наурыздағы № 224 бұйрығымен күші жойылды

Діни ғимараттар, мешіттер және сыйыну бөлмелерінің қызметіне тиісті деңгейде бақылау жасау бойынша істің жағдайына талдау осы бағыттағы жұмысты ұйымдастыруда маңызды қателіктер жіберілгендігін куәландырады.

2010 жылғы 22 маусымда орын алған Маңғыстау облысы Ақтау қаласының ГМ-172/1 мекемесінен қарулы топтың қашу фактісі, 2011 жылғы 11 шілдеде орын алған Қарағанды облысы Балқаш қаласының АК-159/21 мекемесінен қарулы топтың қашу әрекеті бойынша жүргізілген қызметтік тергеу нәтижесі сотталғандардың түнгі уақытта түзеу мекемелеріндегі діни ғимараттарға еш кедергісіз кіретіндіктерін көрсетті, ал олар сол жерде өздерінің қашу, сондай-ақ басқа да заңға қарсы әрекеттерін талқылап, жоспар құрған.