«Қазақстан Республикасы Экономикалық даму және сауда министрлігінің 2011 2015 жылдарға арналған стратегиялық жоспары туралы» Қазақстан Республикасы Үкіметінің 2010 жылғы 31 желтоқсандағы № 1531 қаулысына өзгерістер мен толықтырулар енгізу туралы» Қазақстан Республикасы Үкіметінің 2011 жылғы 26 желтоқсандағы № 1606 Қаулысы

«Қазақстан Республикасы Экономикалық даму және сауда министрлігінің 2011 2015 жылдарға арналған стратегиялық жоспары туралы» Қазақстан Республикасы Үкіметінің 2010 жылғы 31 желтоқсандағы № 1531 қаулысына өзгерістер мен толықтырулар енгізу туралы
Қазақстан Республикасы Үкіметінің 2011 жылғы 26 желтоқсандағы № 1606 Қаулысы

Қазақстан Республикасының Үкіметі ҚАУЛЫ ЕТЕДІ:

1. «Қазақстан Республикасы Экономикалық даму және сауда министрлігінің 2011 - 2015 жылдарға арналған стратегиялық жоспары туралы» Қазақстан Республикасы Үкіметінің 2010 жылғы 31 желтоқсандағы № 1531 қаулысына мынадай өзгерістер мен толықтырулар енгізілсін:

көрсетілген қаулымен бекітілген Қазақстан Республикасы Экономикалық даму және сауда министрлігінің 2011 - 2015 жылдарға арналған стратегиялық жоспарында:

«2. Ағымдағы жағдайды талдау» деген бөлімде:

«1. Елдің бәсекеге қабілеттілігін арттыру және ұлттық экономиканы жаңғырту» деген кіші бөлімде:

бесінші белік мынадай редакцияда жазылсын:

«Нақты ЖІӨ 2009 жылға қарағанда 2010 жылы 7,3 %-ға өсті.»;

сегізінші бөлік мынадай редакцияда жазылсын:

«Жұмыссыздық деңгейі 2010 жылғы желтоқсанда экономикалық белсенді халық санының 5,8 %-ын құрады, бұл 2009 жылға қарағанда 0,8 пайыздық тармаққа төмен.»;

он үшінші бөлік мынадай редакцияда жазылсын:

«Мәселен, 2009 жылы елдің ЖІӨ-дегі шағын және орта бизнес субъектілерінің үлесі 31,7 %-ды құрады (2008 жылы - 31,2 %).

Бөлшек сауданың тауар айналымы 2 551,4 млрд. теңгені құрап, өткен жылдың тиісті кезеңімен салыстырғанда 2,7 %-ға төмендеді (бөлшек сауданың тауар айналымы 2008 жылы 2 442,8 млрд. теңгені құрады). Көтерме сауданың тауар айналымы 2009 жылы 6 872,3 млрд. теңгені құрап, еткен жылдың тиісті кезеңімен салыстырғанда 1,7 %-ға төмендеді (көтерме сауданың тауар айналымы 2008 жылы - 6 963,2 млрд.теңге).»;

мынадай мазмұндағы отызыншы және отыз бірінші бөліктермен толықтырылсын:

«Республикалық бюджет шығыстарының теңгерімділігі мен құрылымы, салық пен кеден төлемдері түсімдерінің толықтығы, салық пен кеден жүйелерін жақсарту мәселелері өзекті болып қалуда.