«Қазақстан Республикасы Статистика агенттігі мен Қазақстан Республикасы Білім және ғылым министрлігі арасындағы ақпараттық өзара іс-қимыл туралы» Қазақстан Республикасы Статистика агенттігі төрағасының 2011 жылғы 29 желтоқсандағы № 387 және Қазақстан Республикасы Білім және ғылым министрінің 2012 жылғы 12 қаңтардағы № 6 бірлескен бұйрығы (күші жойылды)

Қазақстан Республикасы Статистика агенттігі мен Қазақстан Республикасы Білім және ғылым министрлігі арасындағы ақпараттық өзара іс-қимыл туралы
Қазақстан Республикасы Статистика агенттігі төрағасының 2011 жылғы 29 желтоқсандағы № 387 және Қазақстан Республикасы Білім және ғылым министрінің 2012 жылғы 12 қаңтардағы № 6 бірлескен бұйрығы

ҚР Статистика агенттігі төрағасының 2014 жылғы 9 шілдедегі № 116 және ҚР Білім және ғылым министрінің 2014 жылғы 4 шілдедегі № 264 бірлескен бұйрығымен күші жойылды

«Мемлекеттік статистика туралы» Қазақстан Республикасының 2010 жылғы 19 наурыздағы Заңының 16-бабы 3-тармағының 3) тармақшасына сәйкес және Қазақстан Республикасы Білім және ғылым министрлігінің Қазақстан Республикасы Статистика агенттігіне әкімшілік деректерді ұсынуын реттеу мақсатында, БҰЙЫРАМЫЗ:

1. Қоса беріліп отырған Қазақстан Республикасы Білім және ғылым министрлігінің және Қазақстан Республикасы Статистика агенттігінің арасындағы ақпараттық өзара іс-қимыл қағидасы (бұдан әрі - Қағида) бекітілсін.

2. Қазақстан Республикасы Білім және ғылым министрлігі Қазақстан Республикасы Статистика агенттігіне Қағидаға сәйкес әкімшілік деректерді ұсынсын.

3. Қазақстан Республикасы Білім және ғылым министрлігі мен Қазақстан Республикасы Статистика агенттігі:

1) бірлескен бұйрыққа қол қойылған күнінен бастап он күндік мерзімде ақпаратты қалыптастыру мен беруге жауапты тұлғаларды белгілесін;

2) жауапты тұлғалар құрамындағы өзгерістер туралы өзгертілген күнінен бастап үш күннен кешіктірмей хабардар етсін;

3) ұсынылған ақпараттың толықтығын, дәйектілігін және уақтылығын, алынатын ақпаратты тек тікелей мақсатта және оны ұсынған тарап үшін залал келтірмей, үшінші тараптарға табыстау құқығынсыз пайдалануды қамтамасыз етсін.

4. Осы бірлескен бұйрықтың орындалуын бақылау Төрағаның орынбасары А.Ж. Ашуевқа және Вице-министр С.Б. Шаяхметовқа жүктелсін.