Қазақстан Республикасының Мемлекеттік қосымша білім беру стандарты. Медициналық білім беру және ғылыми ұйымдардың оқытушысы. ҚР МҚБС (Қазақстан Республикасы Денсаулық сақтау министрінің 2011 жылғы 30 желтоқсандағы № 934 бұйрығына № 1-қосымша) (күші жойылды)

ҚР Денсаулық сақтау министрінің 2018.10.12. № 696 бұйрығымен күші жойылды

Қазақстан Республикасы

Денсаулық сақтау министрінің

2011 жылғы 30 желтоқсандағы

№ 934 бұйрығына

№ 1-қосымша

ҚАЗАҚСТАН РЕСПУБЛИКАСЫНЫҢ
МЕМЛЕКЕТТІК ҚОСЫМША БІЛІМ БЕРУ СТАНДАРТЫ
 
МЕДИЦИНАЛЫҚ БІЛІМ БЕРУ ЖӘНЕ ҒЫЛЫМИ ҰЙЫМДАРДЫҢ ОҚЫТУШЫСЫ
 
ҚР МҚБС
 
Қосымша білім беру бағдарламасының мазмұн минимумына қойылатын мемлекеттік талаптар
 
МАЗМҰНЫ

1. Қолдану саласы

2. Нормативтік сілтемелер

3. Терминдер мен анықтамалар

4. Қысқартулар

5. Жалпы ережелер

6. «Жоғары және дипломнан кейінгі медициналық білім беру пәндерінің оқытушысы» стандарты бойынша қосымша медициналық білім алушы тұлғаларға қойылатын талаптар

7. «Жоғары және дипломнан кейінгі медициналық білім беру пәндерінің оқытушысы» стандарты бойынша біліктілікті жоғарылатудың немесе/және қайта даярлаудың білім беру бағдарламасының құрылымына қойылатын талаптар

8. «Жоғары және дипломнан кейінгі медициналық білім беру пәндерінің оқытушысы» стандарты бойынша біліктілік арттыру немесе/және қайта даярлаудың білім беру бағдарламасының мазмұнына қойылатын талаптар

9. «Жоғары және дипломнан кейінгі медициналық білім беру пәндерінің оқытушысы» стандарты бойынша біліктілік арттыру немесе/және қайта даярлаудың білім беру ортасына қойылатын талаптар

10. «Жоғары және дипломнан кейінгі медициналық білім беру пәндерінің оқытушысы» стандарты бойынша біліктілік арттыру немесе/және қайта даярлаудың білім беру бағдарламаларын меңгерген тұлғалардың дайындық деңгейіне қойылатын талаптар

1. Қолдану саласы

Бұл мемлекеттік стандарт (бұдан әрі - стандарт) қосымша білім берудің білім беру бағдарламасы мазмұнының мемлекеттік міндетті минимумы мен жоғары және дипломнан кейінгі медициналық білім беру пәндері оқытушыларының дайындық деңгейіне қойылатын талаптарды белгілейді.

Стандарттың ережелерін ведомстволық бағыныштылығына, ұйымдық-құқықтық нормаларына, оқыту түрлеріне қарамастан біліктілік арттыру мен қайта даярлау бағдарламасын жүзеге асыратын барлық мекемелер қолдануға және сақтауға міндетті.