Қазақстан Республикасы Қаржы министрлігі Салық комитетінің 2012 жылғы 22 ақпандағы № CК-11-25/1790 Хаты

Қазақстан Республикасы Қаржы министрлігі Салық комитетінің 2012 жылғы 22 ақпандағы № CК-11-25/1790 Хаты

Қазақстан Республикасы Қаржы министрлігінің Салық комитеті Сіздің 2012 жылғы 24 қаңтардағы № СД-14-10/367 хатыңызды қарап шығып, мынаны хабарлайды.

«Салық және бюджетке төленетін басқа да міндетті төлемдер туралы» Қазақстан Республикасы Кодексінің (Салық кодексі) 372-бабы 1-тармағына сәйкес салық салу мақсатында барлық жерлер олардың нысаналы мақсатына және санаттарға тиесілігіне қарай қарастырылады.

Салық кодексінің 373-бабы 1-тармағына сәйкес жеке меншік құқығындағы, тұрақты жер пайдалану құқығындағы, бастапқы өтеусіз уақытша жер пайдалану құқығындағы салық салу объектілері бар жеке және заңды тұлғалар жер салығын төлеушілер болып табылады.

Салық кодексінің 386-бабы 1-тармағында елді мекендердің автомобильге май құю станциялары үшін бөлінген жерлері Салық кодексінің 381-бабында келтірілген кестенің 3-бағанында белгіленген елді мекендер жерлеріне базалық ставкалар бойынша он есе ұлғайтылған салық салуға жатады.

Автомобильге май құю станциялары үшін бөлінген басқа санаттағы жерлер жақын жатқан елді мекендердің жерлері үшін Салық кодексінің 381-бабында келтірілген кестенің 3-бағанында белгіленген елді мекендер жерлеріне базалық ставкалар бойынша он есе ұлғайтылған салық салуға жатады. Бұл ретте салықты есептеу кезінде жерлеріне базалық ставкалар қолданылатын жақын жатқан елді мекенді жергілікті өкілді орган айқындайды.

Жергілікті өкілді органның шешімі бойынша салық ставкалары кемітілуі мүмкін, бірақ ол осы Кодекстің 381-бабында белгіленгеннен кем болмауға тиіс.