«Өнеркәсіптік меншік объектілеріне ерекше құқықты беру туралы шарттарды мемлекеттік тіркеу» мемлекеттік қызметінің регламенті (Қазақстан Республикасы Әділет министрінің 2011 жылғы 27 маусымдағы № 239 бұйрығына 1-қосымша) (күші жойылды)

ҚР Әділет министрінің 2014 жылғы 27 ақпандағы № 85 бұйрығымен күші жойылды

Қазақстан Республикасы

Әділет министрінің

2011 жылғы 27 маусымдағы

№ 239 бұйрығына

1-қосымша

«Өнеркәсіптік меншік объектілеріне ерекше құқықты беру туралы шарттарды мемлекеттік тіркеу»
мемлекеттік қызметінің регламенті
 
 
1. Жалпы ережелер

1. Осы «Өнеркәсіптік меншік объектілеріне ерекше құқықты беру туралы шарттарды мемлекеттік тіркеу» мемлекеттік қызметінің регламенті (бұдан әрі - Регламент) «Әкімшілік рәсімдер туралы» Қазақстан Республикасының 2000 жылғы 27 қарашадағы Заңының 9-1-бабының 4-тармағына сәйкес әзірленді.

2. Осы Регламентте мынадай ұғымдар қолданылады:

1) тіркеуші орган - Қазақстан Республикасы Әділет министрлігінің Зияткерлік меншік құқығы комитеті;

2) өтініш беруші - өнеркәсіптік меншік объектісіне ерекше құқығы бар жеке және заңды тұлғалар;

3) сараптама жасау ұйымы - мемлекеттік монополияға жатқызылған салаларда (өнеркәсіптік меншік объектілерін қорғау саласында қызметтер көрсету) қызметті жүзеге асыратын тіркеуші органға ведомстволық бағынысты ұйым.

3. Мемлекеттік қызметті тіркеуші орган көрсетеді.

4. Мемлекеттік қызметтің нысаны: автоматтандырылмаған.