«Тұрғын үй-коммуналдық шаруашылық саласындағы нормативтік-техникалық құжаттарды бекіту туралы» Қазақстан Республикасы Құрылыс және тұрғын үй-коммуналдық істері агенттігі төрағасының 2012 жылғы 10 ақпандағы № 4 бұйрығы (2024.30.12. берілген өзгерістер мен толықтырулармен)

Тұрғын үй-коммуналдық шаруашылық саласындағы нормативтік-техникалық құжаттарды бекіту туралы
Қазақстан Республикасы Құрылыс және тұрғын үй-коммуналдық істері агенттігі төрағасының 2012 жылғы 10 ақпандағы № 4 бұйрығы

(2024.30.12. берілген өзгерістер мен толықтырулармен)

Қазақстан Республикасының 2007 жылғы 9 қаңтардағы Экологиялық кодексінің 17-1-бабының 2) және 3) тармақшаларына, «Тұрғын үй қатынастары туралы» Қазақстан Республикасының 1997 жылғы 16 сәуірдегі Заңының 10-2-бабының 4), 10-3) және 10-4) тармақшаларына, «Электр энергетикасы туралы» Қазақстан Республикасының 2004 жылғы 9 шілдедегі Заңының 5-1-бабының 2) және 3) тармақшаларына, Қазақстан Республикасы Құрылыс және тұрғын үй-коммуналдық шаруашылық істері агенттігі Ғылыми-техникалық кеңесінің 2011 жылғы 26 желтоқсандағы № 12-6 қаулысына сәйкес БҰЙЫРАМЫН:

1. Мынадай нормативтік-техникалық құжаттар бекітілсін және 2012 жылғы 1 мамырдан бастап қолданысқа енгізілсін:

1) «Тұрғын және қоғамдық ғимараттарды қайта жаңарту, күрделі және ағымдағы жөндеу» ҚР ҚН 1.04-26-2011;

2) «Прогресті қираудан ғимаратты қорғау жөніндегі ұсынымдар» ҚР ҚБҚ 1.04-05-2011;

3) Тұрғын үй-коммуналдық шаруашылықта қолданылатын терминдердің анықтама сөздігі (алғаш рет);

4) Тұрғын үйлерде энергия үнемдеу бойынша іс-шаралар өткізу жөніндегі әдістемелік ұсынымдар (алғаш рет);

5) ҚР Өнеркәсіп және құрылыс министрлігі Құрылыс және тұрғын үй-коммуналдық шаруашылық істері комитеті төрағасының м.а. 2023.01.12. № 22-нқ бұйрығымен күші жойылды (бұр.ред.қара)

6) ҚР Өнеркәсіп және құрылыс министрлігінің Құрылыс және тұрғын үй-коммуналдық шаруашылық істері комитеті төрағасының м.а. 2024.30.12. № 172-нқ бұйрығымен күші жойылды (бұр.ред.қара)