«Қазақстан Республикасы Денсаулық сақтау министрлігі жанындағы Пациенттердің құқығын қорғау жөніндегі қоғамдық кеңестің Денсаулық сақтау саласында азаматтардың өтініштерін қарау жөніндегі комиссиялар құру туралы» Қазақстан Республикасы Денсаулық сақтау министрінің 2012 жылғы 28 ақпандағы № 123 бұйрығы (күші жойылды)

Қазақстан Республикасы Денсаулық сақтау министрлігі жанындағы Пациенттердің құқығын қорғау жөніндегі қоғамдық кеңестің Денсаулық сақтау саласында азаматтардың өтініштерін қарау жөніндегі комиссиялар құру туралы
Қазақстан Республикасы Денсаулық сақтау министрінің 2012 жылғы 28 ақпандағы № 123 бұйрығы

ҚР Денсаулық сақтау министрінің 2018.10.12. № 696 бұйрығымен күші жойылды

«Қазақстан Республикасы Денсаулық сақтау министрлігінің 2011 жылғы жұмыстарының қорытындысы және денсаулық сақтау саласын дамытудың 2011 - 2015 жылдарға арналған «Саламатты Қазақстан» мемлекеттікбағдарламасын, Қазақстан Республикасы Президенті И.Ә. Назарбаевтың 2012 жылғы 27 қаңтардағы «Әлеуметтік-экономикалық жаңғырту - Қазақстан дамуының басты бағыты» атты Қазақстан халқынаЖолдауын іске асыру шеңберінде 2012 жылға арналған міндеттері туралы» мәселелері бойынша кеңейтілген Алқа мәжілісі хаттамасының 2-тармағының 5-тармақшасына және Қазақстан Республикасы Денсаулық сақтау министрінің 2011 жылғы 8 ақпандағы № 70 бұйрығымен бекітілген Қазақстан Республикасы Денсаулық сақтау министрлігінің жанындағы Пациенттердің құқығын қорғау жөніндегі қоғамдық кеңес туралы ереженің12-тармағының 3-тармақшасына сәйкесБҰЙЫРАМЫН:

1. Осы бұйрыққа 1-қосымшаға сәйкес Пациенттердің құқығын қорғау жөніндегі қоғамдық кеңестің денсаулық сақтау саласында азаматтардың өтініштерін қарау жөніндегі комиссия (бұдан әрі - Комиссия) жұмысыныңРегламенті бекітілсін.

2. Осы бұйрыққа 2-қосымшаға сәйкес Қазақстан Республикасы Денсаулық сақтау министрлігінің жанындағыкомиссия құрамы бекітілсін.