«Медициналық-санитариялық алғашқы көмек көрсететін ұйымдарда Қауіптің мінез-құлық факторлары жөніндегі денсаулық мектептерін ұйымдастыру және оның қызметі туралы ережені бекіту туралы» Қазақстан Республикасы Денсаулық сақтау министрінің міндетін атқарушының 2012 жылғы 5 наурыздағы № 146 бұйрығы (күші жойылды)

Медициналық-санитариялық алғашқы көмек көрсететін ұйымдарда Қауіптің мінез-құлық факторлары жөніндегі денсаулық мектептерін ұйымдастыру және оның қызметі туралы ережені бекіту туралы
Қазақстан Республикасы Денсаулық сақтау министрінің міндетін атқарушының 2012 жылғы 5 наурыздағы № 146 бұйрығы

ҚР Денсаулық сақтау министрінің 2012 жылғы 22 қарашадағы № 819 бұйрығымен күші жойылды

«Халық денсаулығы және денсаулық сақтау жүйесі туралы» Қазақстан Республикасы Кодексінің 7-бабының 1-тармағының 5-тармақшасына сәйкес, сондай-ақ Қазақстан Республикасының денсаулық сақтау саласын дамытудың 2011 - 2015 жылдарға арналған «Саламатты Қазақстан» мемлекеттік бағдарламасын іске асыру мақсатында БҰЙЫРАМЫН:

1. Мыналар:

1) осы бұйрыққа 1-қосымшаға сәйкес Медициналық-санитариялық алғашқы көмек (бұдан әрі - МСАК) көрсететін ұйымдарда Қауіптің мінез-құлық факторлары жөніндегі денсаулық мектептерін (бұдан әрі - Денсаулық мектебі) ұйымдастыру және оның қызметі туралы ереже;

2) осы бұйрыққа 2-қосымшаға сәйкес «Денсаулық мектебінің 7 сабағы» курсының модульдері бойынша сабақ өткізудің үлгі бағдарламалары бекітілсін.

2. Облыстардың, Астана және Алматы қалаларының денсаулық сақтау басқармаларының басшылары:

1) осы бұйрыққа 1-қосымшаға сәйкес МСАК көрсететін ұйымдарда Денсаулық мектептерін енгізу мен ұйымдастыруды;

2) жартыжылдықта бір рет есепті кезеңнен кейінгі айдың 5-күніне Қазақстан Республикасы Денсаулық сақтау министрлігінің «Салауатты өмір салтын қалыптастыру проблемалары ұлттық орталығы» шаруашылық жүргізу құқығындағы республикалық мемлекеттік кәсіпорнына (бұдан әрі - СӨСПҚҰО) Денсаулық мектептерінің қызметі туралы ақпарат ұсынуды қамтамасыз етсін.

3. СӨСПҚҰО (Ж.Е. Баттақова):

1) МСАК-қа Дексаулық мектептерін енгізуді үйлестіруді;