«Бірыңғай дистрибьютердің тізімін құру және 2013 жылы мақсатты ағымдағы трансферттер есебінен бірыңғай дистрибьютерден алынатын дәрілік заттарға, медициналық мақсаттағы бұйымдарға, вакциналарға және басқа медициналық иммунобиологиялық препараттарға тапсырыс жасауға қатысты іс-шаралар туралы» Қазақстан Республикасы Денсаулық сақтау министрінің 2012 жылғы 23 ақпандағы № 112 бұйрығы (күші жойылды)

Бірыңғай дистрибьютердің тізімін құру және 2013 жылы мақсатты ағымдағы трансферттер есебінен бірыңғай дистрибьютерден алынатын дәрілік заттарға, медициналық мақсаттағы бұйымдарға, вакциналарға және басқа медициналық иммунобиологиялық препараттарға тапсырыс жасауға қатысты іс-шаралар туралы
Қазақстан Республикасы Денсаулық сақтау министрінің 2012 жылғы 23 ақпандағы № 112 бұйрығы

ҚР Денсаулық сақтау министрінің 2018.10.12. № 696 бұйрығымен күші жойылды

«Әкімшілік рәсімдер туралы» Қазақстан Республикасының 2000 жылғы 27 қарашадағы Заңының 4-бабы 1-тармағына сәйкес, БҰЙЫРАМЫН:

1. Осы бұйрыққа 1-қосымшаға сәйкес Қазақстан Республикасы Денсаулық сақтау министрлігінде бірыңғай дистрибьютердің тізімін құру және облыстардың, Астана мен Алматы қалаларының Денсаулық сақтау басқармаларынан және денсаулық сақтау ұйымдарынан 2013 жылы бірыңғай дистрибьютерден мақсатты ағымдағы трансферттер есебінен алынатын дәрілік заттарға, медициналық мақсаттағы бұйымдарға, вакциналарға және басқа да медициналық иммунобиологиялық препараттарға тапсырыстарды қабылдау бойынша жұмыс тобы құрылсын.

2. Бірыңғай дистрибьютерден 2013 жылы мақсатты ағымдағы трансферттер есебінен алынатын дәрілік заттарға, медициналық мақсаттағы бұйымдарға, вакциналарға және басқа да медициналық иммунобиологиялық препараттарға жасалатын тапсырыстың үлгісі 2-қосымшадағы үлгіге сәйкес бекітілсін.

3. Облыстардың, Алматы және Астана қалаларының Денсаулық сақтау басқармаларының және Мемлекеттік санитарлық-эпидемиологиялық қадағалау департаменттерінің басшылары:

1) медициналық ұйымдарға дәрі-дәрмек құралдарының қажеттілігін анықтау және 2013 жылы бірыңғай дистрибьютерден мақсатты ағымдағы трансферттер есебінен алынатын дәрілік заттарға, медициналық мақсаттағы бұйымдарға, вакциналарға және басқа да медициналық иммунобиологиялық препараттарға тапсырыс жасау бойынша жұмыс тобын құрсын;