«Өсімдік шаруашылығы өнімінің шығымдылығы мен сапасын арттыруға арналған ауыл шаруашылығы дақылдардың тізімін және субсидиялаудың нормативтерін анықтау туралы» Ақтөбе облыстық әкімдігінің 2012 жылғы 4 мамырдағы № 147 Қаулысы (күші жойылды)

Өсімдік шаруашылығы өнімінің шығымдылығы мен сапасын арттыруға арналған ауыл шаруашылығы дақылдардың тізімін және субсидиялаудың нормативтерін анықтау туралы
Ақтөбе облыстық әкімдігінің 2012 жылғы 4 мамырдағы № 147 Қаулысы

Ақтөбе облыстық әкімдігінің 2013 жылғы 1 шілдедегі № 199 Қаулысымен күші жойылды

2012 жылғы көктемгі егіс және күзгі далалық жұмыстарын жүргізуге қажетті жанар-жағар май материалдарымен тауарлық-материалдық құндылықтардың құнын, тыңайтқыштардың құнын және ауыл шаруашылығы дақылдарын отандық өндірушілер өндірген гербицидтермен өңдеуге жұмсалған шығындарды арзандату мақсатында Қазақстан Респуликасының 2001 жылғы 23 қаңтардағы № 148 «Қазақстан Республикасындағы жергілікті мемлекеттік басқару және өзін-өзі басқару туралы» Заңының 27 бабы 1 тармағының 5) тармақшасына, сондай-ақ Қазақстан Республикасы Үкіметінің 2011 жылғы 4 наурыздағы № 221 қаулысымен бекітілген өсімдік шаруашылығы өнімінің шығымдылығы мен сапасын арттыруға жергілікті бюджеттерден субсидиялау қағидасының 6 және 66 тармақтарына сәйкес, облыс әкімдігі ҚАУЛЫ ЕТЕДІ:

1. Белгіленсін:

2012 жылға арналған басым ауыл шаруашылығы дақылдарының тізбесі 1 қосымшаға сәйкес;

2012 жылға арналған басым ауыл шаруашылығы дақылдарының субсидия нормативтері 2 қосымшаға сәйкес;

өндірушілер сатқан тыңайтқыштардың 1 тоннасына (литріне, килограммына) арналған субсидия нормативтері 3 қосымшаға сәйкес;

тыңайтқыш жеткізушіден және (немесе) шетелдік тыңайтқыш өндірушілерден сатып алынған тыңайтқыштардың 1 тоннасына (литріне, килограммына) арналған субсидия нормативтері 4 қосымшаға сәйкес;

гербицид жеткізушілерден сатып алынған гербицидтердің 1 килограммына (литріне) арналған субсидия нормативтері 5 қосымшаға сәйкес.

2. Осы қаулының орындалуын бақылау облыс әкімінің орынбасары М.М.Тағымовқа жүктелсін.

3. Осы қаулы алғаш ресми жарияланғаннан кейін күнтізбелік он күн өткен соң қолданысқа енгізіледі.