«Қазақстан Республикасы химия және биология пәні мұғалімдерінің I Съезін ұйымдастыру және өткізу туралы» Қазақстан Республикасы Білім және ғылым министрінің міндетін атқарушының 2012 жылғы 7 мамырдағы № 202 бұйрығы

Қазақстан Республикасы химия және биология пәні мұғалімдерінің I Съезін ұйымдастыру және өткізу туралы
Қазақстан Республикасы Білім және ғылым министрінің міндетін атқарушының 2012 жылғы 7 мамырдағы № 202 бұйрығы

Қазақстан Республикасы Білім және ғылым министрінің 2011 жылғы 30 желтоқсандағы № 560 бұйрығымен бекітілген Қазақстан Республикасы Білім және ғылым министрлігінің 2012 жылға арналған жұмыс жоспарының 194-тармағына сәйкес және мектептегі химия-биологиялық білім беру сапасын арттыру мәселесін өзектендіру мақсатында БҰЙЫРАМЫН:

1. 2012 жылғы 27-28 маусымда Өскемен қаласында «Мектептегі жаратылыстану-ғылыми білім беру - XXI ғасырдағы қоғам, ғылым және технология» тақырыбында Қазақстан Республикасы химия және биология пәні мұғалімдерінің І Съезі (бұдан әрі - Съезд) өткізілсін.

2. Қоса беріліп отырған:

1) «Мектептегі жаратылыстану-ғылыми білім беру - XXI ғасырдағы қоғам, ғылым және технология» тақырыбында Қазақстан Республикасы химия және биология пәні мұғалімдерінің I Съезін ұйымдастыру және өткізу жөніндегі ұйымдастыру комитетінің құрамы;

2) «Мектептегі жаратылыстану-ғылыми білім беру - XXI ғасырдағы қоғам, ғылым және технология» тақырыбындағы Қазақстан Республикасының химия және биология мұғалімдерінің Съезін ұйымдастыру және өткізу жөніндегі іс-шарапар жоспары (бұдан әрі - Іс-шаралар жоспары) бекітілсін.

3. Құрылымдық бөлімшелердің және бағынысты білім беру ұйымдарының басшылары іс-шаралар жоспарының сапалы және уақытында орындалуы бойынша шаралар қабылдасын,

4. Мектепке дейінгі және орта білім беру департаменті (бұдан әрі - Департамент) (Ж.А. Жонтаева) осы бұйрықты облыстардың, Астана және Алматы қалалық білім басқармаларының басшыларының назарына жеткізсін.

5. Облыстардың, Астана және Алматы қалалық білім басқармалары іс-шаралар жоспарының сапалы орындалуын қамтамасыз етсін және ақпаратты 2012 жылғы 1 маусымда Департаментке уақтылы ұсынсын.

6. Осы бұйрықтың орындалуын бақылау вице-министр М.Н. Сарыбековке жүктелсін.

7. Осы бұйрық қол қойылған күнінен бастап күшіне енеді.