«Қазақстан Республикасының мемлекеттiк рәмiздерi туралы» Қазақстан Республикасының Конституциялық заңына өзгерiстер мен толықтырулар енгiзу туралы» Қазақстан Республикасының 2012 жылғы 28 маусымдағы № 23-V Конституциялық Заңы

Қазақстан Республикасының
Конституциялық Заңы
 
 «Қазақстан Республикасының мемлекеттiк рәмiздерi туралы» Қазақстан Республикасының Конституциялық заңына
өзгерiстер мен толықтырулар енгiзу туралы

Осы Конституциялық заңды iске асыру мақсатында қабылдануы қажет нормативтiк құқықтық актiлердiң тiзбесiн қараңыз

1-бап. «Қазақстан Республикасының мемлекеттiк рәмiздерi туралы» 2007 жылғы 4 маусымдағы Қазақстан Республикасының Конституциялық заңына (Қазақстан Республикасы Парламентiнiң Жаршысы, 2007 ж., №11, 72-құжат; 2008 ж., №13-14, 53-құжат) мынадай өзгерiстер мен толықтырулар енгiзiлсiн:

1) бүкіл мәтін бойынша «мемлекеттік стандартқа», «мемлекеттік стандарттарға», «мемлекеттік стандарттарын» деген сөздер тиісінше «ұлттық стандартқа», «ұлттық стандарттарға», «ұлттық стандарттарын» деген сөздермен ауыстырылсын;

2) 2-бапта:

тақырып мынадай редакцияда жазылсын:

«2-бап. Қазақстан Республикасының мемлекеттiк рәміздерін дайындауды және пайдалануды реттейтiн Қазақстан Республикасының заңнамасы»;

мәтіндегі «орналастыру» деген сөз «дайындау» деген сөзбен ауыстырылсын;

3) 4-баптың 1-тармағының төртінші бөлігі мынадай редакцияда жазылсын:

«Қазақстан Республикасының Мемлекеттік Туы басқа да ғимараттарда (үй-жайларда) олардың иелерінің еркі бойынша тігілуі мүмкін.»;

4) 6-баптың 2-тармағының бірінші бөлігі мынадай мазмұндағы 1-1) тармақшамен толықтырылсын:

«1-1) нотариустардың мөрлерiнде;»;

5) 8-баптың 1-тармағының 4) тармақшасы мынадай редакцияда жазылсын: