Жеке нөмірі бар жетонды сипаттау, оны Қазақстан Республикасының мемлекетті өртке қарсы қызмет органдарының қызметкеріне тағайындау, есепке алу және беру тәртібі туралы нұсқаулық (Қазақстан Республикасы Төтенше жағдайлар министрінің 2012 жылғы 1 маусымдағы № 242 бұйрығына 16-қосымша) (күші жойылды)

ҚР Ішкі істер министрінің 2015 жылғы 19 қарашадағы № 942 бұйрығымен күші жойылды

Қазақстан Республикасы

Төтенше жағдайлар министрінің

2012 жылғы 1 маусымдағы

№ 242 бұйрығына 16-қосымша

Жеке нөмірі бар жетонды сипаттау, оны Қазақстан Республикасының мемлекетті өртке
қарсы қызмет органдарының қызметкеріне тағайындау, есепке алу және беру тәртібі туралы
нұсқаулық

1. Жеке нөмірі бар жетонды сипаттау, оны Қазақстан Республикасының мемлекетті өртке қарсы қызмет органдарының қызметкеріне тағайындау, есепке алу және беру тәртібі туралы нұсқаулық (бұдан әрі - Нұсқаулық) Жеке нөмірі бар жетонды сипаттау, оны Қазақстан Республикасының мемлекетті өртке қарсы қызмет органдарының қызметкеріне тағайындау, есепке алу және беру тәртібін нақтылайды.

2. Мемлекеттік өртке қарсы қызмет органдарында (бұдан әрі - МӨҚҚО) қызметте тұрған орта, аға және жоғары басшы құрамның барлық адамдарына, қызмет өткерудің, запаста тұрудың барлық уақытында оларда сақталатын жеке нөмірлер беріледі және басқа адамдарға беруге жатпайды. Жеке нөмір сериясын білдіретін бас әріптен және алты таңбалы саннан тұрады. Жеке нөмір, сипаттамасы осы Нұсқаулыққа 1-қосымшада мазмұндалған металлды жетонға басылады.

3. Жеке нөмірлерін беру басшы құрамның алғашқы арнаулы атағын берумен бір мезгілде Қазақстан Республикасы Төтенше жағдайлар министрінің бұйрығымен жүргізіледі.

4. Қазақстан Республикасы Төтенше жағдайлар министрлігінің (бұдан әрі - Министрлік) кадр қызметі орта, аға және жоғары басшы құрамның адамдарына берілген жеке нөмірлер бойынша әр нөмірлі есепке алу картотекасы жүргізілуде. Карточкалар әр серияның өсетін нөмірлері тәртібінде сериялар бойынша таңдалады.