«Кеңестерді құру туралы» Қазақстан Республикасы Мәдениет және ақпарат министрінің 2012 жылғы 26 сәуірдегі № 46 Бұйрығы

Кеңестерді құру туралы
Қазақстан Республикасы Мәдениет және ақпарат министрінің 2012 жылғы 26 сәуірдегі № 46 Бұйрығы

Қазақстан Республикасы Үкіметінің 2004 жылғы 29 қазанындағы № 1130 қаулысымен бекітілген Қазақстан Республикасы Мәдениет және ақпарат министрлігі қаулысының 14 тармағы 43) тармақшасына сәйкес, БҰЙЫРАМЫН:

1. Мынадай Кеңестер құрылсын:

1) Мәдениет саласын дамыту мәселелері бойынша;

2) Тілдерді дамыту бойынша;

3) Бұқаралық ақпарат құралдары мәселелері бойынша.

2. Мынадай қосымшалар бекітілсін:

1) Мәдениет саласын дамыту мәселелері бойынша кеңес туралы ереже;

2) Тілдерді дамыту бойынша кеңес туралы ереже;

3) Бұқаралық ақпарат құралдары мәселелері бойынша кеңес туралы ереже;

4) осы бұйрықтың 1-тармағында көрсетілген 1, 2 және 3-қосымшаларға сәйкес, Кеңестердің құрамы;

3. Осы бұйрықты Қазақстан Республикасы Мәдениет және ақпарат министрлігінің ресми интернет-ресурсында орналастыру қамтамасыз етілсін.

6. Осы бұйрық қол қойылған күннен бастап күшіне енеді.

Қазақстан Республикасының

Мәдениет және ақпарат министрінің

2012 жылғы 26 сәуірдегі

№ 46 бұйрығымен бекітілді

Мәдениет саласын дамыту мәселелері бойынша кеңестің

ережесі

1. Жалпы ережелер

1. Мәдениет саласын дамыту мәселелері бойынша кеңес (әрі қарай - Кеңес) өзінің жұмысын қоғамдық бастамада атқаратын Қазақстан Республикасы Мәдениет және ақпарат министрлігінің құзыретіне жататын мәселелер бойынша ұсыныстар әзірлеуге арналған консультативтік - кеңесші орган болып табылады.

2. Кеңесінің құрамы Қазақстан Республикасы Парламентінің депутаттарынан, Министрлік өкілдерімен, мәдениет пен өнер қайраткерлері, сондай-ақ шығармашылық одақтар мен өзге ұйымдар өкілдерінен құралады.

3. Кеңес өз қызметінде Қазақстан Республикасының Конституциясы мен заңдарын, Қазақстан Республикасының өзге де нормативтік құқықтық актілерін, сондай-ақ осы Ережені басшылыққа алады.

4. Кеңестің шешімі ұсынымдық сипатта болады.