Тұрғын үйлерде энергия үндемдеу бойынша іс-шаралар өткізу жөніндегі әдістемелік ұсынымдар (Қазақстан Республикасы Құрылыс және тұрғын үй-коммуналдық шаруашылық істері агенттігінің 2012 жылғы 10 ақпандағы № 4 бұйрығымен бекітілген)

Сәулет, қала құрылысы және құрылыс қызметі, тұрғын үй қатынастары және коммуналдық шаруашылық саласындағы мемлекеттік нормативтік құжаттар

Тұрғын үйлерде энергия үндемдеу бойынша іс-шаралар өткізу жөніндегі әдістемелік ұсынымдар

Мазмұны

1 Қолдану саласы

1.1 Осы Тұрғын үйлерде энергия үндемдеу бойынша іс-шаралар өткізу жөніндегі әдістемелік ұсынымдар (бұдан әрі - Әдістемелік ұсынымдар) тұрғын үйлерде энергия үнемдеу жөніндегі іс-шараларды ұйымдастыру мен жоспарлауға арналған.

1.2 Әдістемелік ұсынымдар тұрғын үйлерде энергия үнемдеу және энергетикалық тиімділіктің деңгейін арттыру салаларындағы жұмыстарды ұйымдастыруға біркелкі көзқарасты қамтамасыз ету мақсатында әзірленген.

1.2 Әдістемелік ұсынымдар ғимараттардың иелеріне, ұйымдарға, басқарушы компанияларға, оның ішінде пәтерлер иесі кооперативтеріне, тұрғын үй және басқа мамандандырылған тұтыну кооперативтеріне, жеке кәсіпкерлерге және мүдделі салалық атқарушы билік органдарына энергия үнемдеудің осындай іс-шараларын дайындау және өткізу бойынша әдістемелік көмек көрсетеді.

2 Нормативтік сілтемелер

Осы нормативтік құжаттарды пайдалану үшін мынадай сілтемелік нормативтік құжаттар қажет:

Қазақстан Республикасының 1997 жылғы 25 желтоқсандағы №210-I «Энергияны үнемдеу туралы» Заңы.