«Мектепке дейінгі балалар ұйымдарына жолдама беру үшін мектеп жасына дейінгі (7 жасқа дейінгі) балаларды тіркеу электрондық мемлекеттік қызмет регламентін бекіту туралы» Алматы қаласы әкімдігінің 2012 жылғы 23 шілдедегі № 3/620 Қаулысы (күші жойылды)

Мектепке дейінгі балалар ұйымдарына жолдама беру үшін мектеп жасына дейінгі (7 жасқа дейінгі) балаларды тіркеу электрондық мемлекеттік қызмет регламентін бекіту туралы
Алматы қаласы әкімдігінің 2012 жылғы 23 шілдедегі № 3/620 Қаулысы

Алматы қаласы әкімдігінің 2013 жылғы 1 шілдедегі № 3/551 Қаулысымен күші жойылды

Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңына, Қазақстан Республикасының 2000 жылғы 27 қарашадағы «Әкімшілік рәсімдер туралы» Заңының 9-1-бабына сәйкес Алматы қаласының әкімдігі ҚАУЛЫ ЕТЕДІ:

1. Қоса беріліп отырған «Мектепке дейінгі балалар ұйымдарына жолдама беру үшін мектеп жасына дейінгі (7 жасқа дейінгі) балаларды тіркеу» электрондық мемлекеттік қызмет регламенті бекітілсін.

2. Осы қаулының орындалуын бақылау Алматы қаласы әкімінің орынбасары С. Сейдумановқа жүктелсін.

3. Осы қаулы әділет органдарында мемлекеттік тіркелген кезден бастап күшіне енеді және алғашқы ресми жарияланған күннен кейін күнтізбелік он күн өткен соң қолданысқа енгізіледі.

Алматы қаласы әкімдігінің

2012 жылғы 23 шілдедегі

№ 3/620 қаулысымен бекітілген

«Мектепке дейінгі балалар ұйымдарына жолдама беру үшін мектеп жасына дейінгі (7 жасқа дейінгі) балаларды тіркеу»

электрондық мемлекеттік қызмет регламенті

1. Жалпы ережелер

1. Мемлекеттік электрондық қызмет көрсету «Мектепке дейінгі балалар ұйымдарына жолдама беру үшін мектеп жасына дейінгі (7 жасқа дейінгі) балаларды тіркеу» (Мемлекеттік электрондық қызмет) тұрғылықты жері бойынша Алматы қаласының білім беру бөлімдері (бұдан әрі - ЖАО), баламалы негізде халыққа қызмет көрсету орталықтары (бұдан әрі - ХҚКО) және «электрондық үкімет» порталы:www.e.gov.kz (ЭҮП) арқылы көрсетіледі.