Қатты тұрмыстық қалдықтардың жиналу нормаларын анықтау әдістемесі (Қазақстан Республикасы Құрылыс және тұрғын үй-коммуналдық шаруашылық істері агенттігі төрағасының міндетін атқарушының 2010 жылғы 29 желтоқсандағы № 606 бұйрығымен бекітілген) (күші жойылды)

Сәулет, қала құрылысы және құрылыс қызметі, тұрғын үй қатынастары және коммуналдық
шаруашылық саласындағы мемлекеттік нормативтік құжаттар

Қатты тұрмыстық қалдықтардың жиналу нормаларын анықтау

 әдістемесі

Мазмұны

1. Қолдану аймағы

2. Нормативтік сілтемелер

3. Анықтамалар және терминдер

4. Негізгі нормативтік ережелер

4.1 Жалпы ережелер

4.2 Негізгі көрсеткіштер

4.3 Қатты тұрмыстық қалдықтар түзілуінің бағдарлық нормалары

4.4 Учаскелерді таңдап алу

4.5 Қалдықтардың массасы мен көлемін анықтау

4.6 Қатты тұрмыстық қалдықтардың түзілу нормасын есептеу әдістемесі

Қосымша А. ҚТҚ жинақталу нормаларын анықтау үшін нысандар мен есептік бірліктер

Қосымша Б. Тұрғын үйлер мен қоғамдық мақсаттағы нысандардың коммуналдық төлқұжаты (1-2 Формалар).

Қосымша В. Қала және ауыл елді мекендерін тұрғындарының санына қарай бөлу

Қосымша Г. ҚТҚ жинақталуының бағдарлық нормалары (1-4 Кестелер)

Қосымша Д. ҚТҚ жинақталу ведомостері (1-3 Формалар)

1. Қолдану аймағы

1.1 Бұл Әдістеме тұрмыстық-коммуналдық шаруашылық басқармасының мемлекеттік органы, мемлекеттік санитарлық-эпидемиологиялық бақылау органы, қоршаған ортаны қорғау саласындағы мемлекеттік орган мен оның аймақтық органдары; қатты тұрмыстық қалдықтарды жинауды, жоюды, зарарсыздандыруды және өтелдеуді жоспарлайтын, басқаратын және жүзеге асыратын басқа ұйымдардың қолдануы үшін жасалған.

1.2 Бұл Әдістеме Қазақстан Республикасының территориясында қолдану үшін жоспарланған қатты тұрмыстық қалдықтардың (одан әрі - ҚТҚ) түзілу нормасына, есептеулер мен тарифтік саясатқа қатысты жалпы әдістемелік талаптарды тағайындайды.

1.3 Бұл Әдістеменің ережелері ҚТҚ түзілуінің бағдарлық нормаларын және елді мекендерде жинақталатын және шын мәнісінде шығарылатын (жойылатын) қалдықтардың мөлшерін анықтау үшін қолданылады.