«ҚазТрансГаз Аймақ» акционерлік қоғамының Оңтүстік Қазақстан облысының тұтынушылары үшін таратушы құбыр жолдары арқылы табиғи газды тасымалдау жөніндегі реттелетін қызметтеріне 2012-2014 жылдарға арналған тарифтің және тарифтік сметаның шекті деңгейін бекіту туралы» Қазақстан Республикасы Табиғи монополияларды реттеу агенттігі төрағасының міндетін атқарушының 2012 жылғы 13 тамыздағы № 204-НҚ бұйрығы (2013.25.12. берілген өзгерістермен)

«ҚазТрансГаз Аймақ» акционерлік қоғамының Оңтүстік Қазақстан облысының тұтынушылары үшін таратушы құбыр жолдары арқылы табиғи газды тасымалдау жөніндегі реттелетін қызметтеріне 2012-2014 жылдарға арналған тарифтің және тарифтік сметаның шекті деңгейін бекіту туралы
Қазақстан Республикасы Табиғи монополияларды реттеу агенттігі төрағасының міндетін атқарушының 2012 жылғы 13 тамыздағы № 204-НҚ бұйрығы

(2013.25.12. берілген өзгерістермен)

«Табиғи монополиялар және реттелетін нарықтар туралы» 1998 жылғы 9 шілдедегі Қазақстан Республикасы Заңының 15-бабы 1-тармағының 1) және 2) тармақшаларына және Қазақстан Республикасы Табиғи монополияларды реттеу және бәсекелестікті қорғау жөніндегі агенттігі төрағасының 2006 жылғы 12 маусымдагы № 149-НҚ бұйрығымен бекітілген Табиғи монополиялар субъектілерінің реттеліп көрсетілетін қызметтері (тауарлары, жұмыстары) тарифтерінің (бағаларының, алымдар ставкаларының) және тарифтік сметаларының шекті деңгейін бекіту ережесінің 35-тармағына және Қазақстан Республикасы Табиғи монополиялар агенттігі басқармасының 2012 жылғы 8 тамыздағы № 29 қаулысына сәйкес БҰЙЫРАМЫН:

1 және 2-тармақтар 2012 жылғы 1 қазаннан бастап күшіне енді

1. 2012 жылғы 1 қазаннан бастап 2014 жылғы 30 қыркүйекке дейін қолданысқа енгізе отырып:

1) «ҚазТрансГаз Аймақ» акционерлік қоғамының Оңтүстік Қазақстан облысы тұтынушылары үшін таратушы құбыржолдары арқылы табиғи газды тасымалдау жөніндегі реттеліп көрсетілетін қызметтеріне тарифтің шекті деңгейі мынадай мөлшерде 1 000 м³ үшін 5 184,58 теңге (ҚҚС-сыз);

2) осы бұйрықтың қосымшасына сәйкес Оңтүстік Қазақстан облысы тұтынушылары үшін таратушы құбыржолдары арқылы табиғи газды тасымаддау жөніндегі реттеліп көрсетілетін қызметтеріне тарифтік смета бекітілсін.