«Мүгедектерге санаторлы-курорттық емдеумен қамтамасыз ету үшін құжаттарды ресімдеу» мемлекеттiк қызмет регламенті (Павлодар облысы әкімдігінің 2012 жылғы 27 тамыздағы № 970/8 Қаулысымен бекітілген)

Павлодар облысы әкімдігінің

2012 жылғы 27 тамыздағы

№ 970/8 Қаулысымен бекітілген

«Мүгедектерге санаторлы-курорттық емдеумен қамтамасыз ету үшін құжаттарды ресімдеу»
мемлекеттiк қызмет регламенті

1. Жалпы ережелер

1. Мемлекеттiк қызметтiң атауы: «Мүгедектерге санаторлы-курорттық емдеумен қамтамасыз ету үшін құжаттарды ресімдеу».

2. Мемлекеттiк қызмет көрсетудiң нысаны: автоматтандырылмаған.

3. Мемлекеттiк қызмет Қазақстан Республикасы Үкiметiнiң 2011 жылғы 7 сәуiрдегi № 394 қаулысымен бекiтiлген «Мүгедектердi санаторий-курорттық емдеумен қамтамасыз ету үшiн оларға құжаттарды ресiмдеу туралы» мемлекеттiк қызмет көрсету стандарты (бұдан әрi - стандарт) негiзiнде көрсетiледi.

4. Мемлекеттiк қызмет «Екібастұз қаласы әкімдігінің халықты жұмыспен қамту және әлеуметтік мәселелер бөлімі» мемлекеттiк мекемесiне (бұдан әрi - бөлiм) жүгiнген кезде көрсетiледi.

Мемлекеттiк қызмет көрсетiлетiн орын келесi мекенжайда орналасқан:

141200, Павлодар облысы, Екібастұз қаласы, Мәшһүр Жүсіп көшесі, 87 «а», телефоны (8(7187)77-01-35), жұмыс уақыты сағат 9.00-ден 18.30-ге дейiн, 13.00-ден 14.30-ге дейiн түскi үзiлiспен, демалыс күндерi - сенбi, жексенбi; сайты: enbek-ekibastuz.skom.kz.

5. Мемлекеттiк қызметтi аяқтау нысаны болып өтiнiш берушiге санаторлы-курорттық емдеумен қамтамасыз ету үшін құжаттарын ресiмдеу туралы хабарлама не қызмет көрсетуден бас тарту туралы қағаз жеткiзгiштегi дәлелді жауап болып табылады.

6. Мемлекеттік қызмет жеке тұлғаларға: мүгедек және мүгедек бала болып табылатын Қазақстан Республикасының азаматтарына, Қазақстан Республикасының аумағында тұрақты тұратын шетелдіктер мен азаматтығы жоқ адамдарға (бұдан әрі - тұтынушылар) көрсетіледі.

7. Тұтынушы қажеттi құжаттарды тапсырғаннан кейiн мемлекеттiк қызмет көрсету мерзімі он жұмыс күн ішінде.

Тұтынушы өтiнiш берген күнi сол жерде көрсетiлетiн мемлекеттiк қызметтi алуға дейiнгi күтудiң жол берiлетiн ең көп уақыты бiр тұтынушыға қызмет көрсетуге 15 минут аспайды.

Тұтынушының мемлекеттiк қызмет көрсетуге өтiнiш берген күнi қызмет көрсету ең көп уақыты - 15 минуттан аспайды.