«Жетімдерді, ата-анасының қамқорлығынсыз қалған балаларды әлеуметтік қамсыздандыруға арналған құжаттарды ресімдеу» мемлекеттік қызмет көрсету регламенті (Павлодар облысы әкімдігінің 2012 жылғы 27 тамыздағы № 968/8 Қаулысымен бекітілген)

Павлодар облысы әкімдігінің

2012 жылғы 27 тамыздағы

№ 968/8 Қаулысымен

бекітілген

«Жетімдерді, ата-анасының қамқорлығынсыз қалған балаларды әлеуметтік қамсыздандыруға арналған құжаттарды ресімдеу»
мемлекеттік қызмет көрсету регламенті

1. Жалпы ережелер

1. «Жетімдерді, ата-анасының қамқорлығынсыз қалған балаларды әлеуметтік қамсыздандыруға арналған құжаттарды ресімдеу» мемлекеттік қызметі (бұдан әрі - мемлекеттік қызмет) Павлодар облысы, Екібастұз қаласы, Мәшһүр Жүсіп көшесі, 101 мекенжайында орналасқан, телефоны: 8 (718 7) 771688, факс: 771692, электрондық мекенжайы: www.ekibastuz-goroo@yandex.ru «Екібастұз қаласы әкімдігінің білім бөлімі» мемлекеттік мекемесімен (бұдан әрі - уәкілетті орган) көрсетіледі.

2. Көрсетілетін мемлекеттік қызметтің түрі: автоматтандырылмаған.

3. Мемлекеттік қызмет тегін көрсетіледі.

4. Мемлекеттік қызмет жеке тұлғаларға (бұдан әрі - тұтынушы) көрсетіледі.

5. Мемлекеттік қызмет Қазақстан Республикасы Үкіметінің 2010 жылғы 26 ақпандағы № 140 қаулысымен бекітілген «Жетімдерді, ата-анасының қамқорлығынсыз қалған балаларды әлеуметтік қамсыздандыруға арналған құжаттарды ресімдеу» стандарты (бұдан әрі - Стандарт) негізінде көрсетіледі.

6. Мемлекеттік қызмет көрсетуді аяқтаудың нәтижесі Стандарттың 3-қосымшасына сәйкес жетім балаларды, ата-аналарының қамқорлығынсыз қалған балаларды әлеуметтік қамсыздандыруға арналған құжаттарды ресімдеу немесе қызмет көрсетуден бас тарту туралы дәлелді жауап болып табылады.

2. Мемлекеттік қызмет көрсету тәртібіне қойылған талаптар

7. Мемлекеттік қызмет көрсету тәртібі туралы толық ақпарат уәкілетті органның дәлізінде орналасқан стендтерде орналастырылады.

8. Мемлекеттiк қызмет көрсету мерзiмдерi:

1) тұтынушымен тиісті құжаттар тапсырылған сәттен бастап (құжаттарды қабылдау және беру күндері мемлекеттік қызмет көрсету мерзіміне кірмейді) отыз жұмыс күнін құрайды;

2) өтініш иесінің өтiнiш жасаған күнi сол жерде көрсетiлетiн мемлекеттiк қызметтi алғанға дейiн күтудiң ең көп шектi уақыты - 30 минуттан аспайды;