«Саудадағы техникалық кедергілер, санитарлық және фитосанитарлық шаралар жөніндегі ақпарат орталығының хабарламаларын толтыру және ұсыну нысандарын, қағидаларын бекіту туралы» Қазақстан Республикасы Индустрия және жаңа технологиялар министрінің 2012 жылғы 14 қыркүйектегі № 319 бұйрығы (күші жойылды)

Саудадағы техникалық кедергілер, санитарлық және фитосанитарлық шаралар жөніндегі ақпарат орталығының хабарламаларын толтыру және ұсыну нысандарын, қағидаларын бекіту туралы
Қазақстан Республикасы Индустрия және жаңа технологиялар министрінің 2012 жылғы 14 қыркүйектегі № 319 бұйрығы

ҚР Сауда және интеграция министрінің 2021 жылғы 31 мамырдағы № 375-НҚ бұйрығымен 2021 жылғы 1 шілдеден бастап күші жойылды

«Техникалық реттеу туралы» Қазақстан Республикасы Заңының 10-бабы 2-тармағын іске асыру мақсатында БҰЙЫРАМЫН:

1. Бекітілсін:

1) Осы бұйрықтың 1-қосымшасына сәйкес Саудадағы техникалық кедергілер, санитарлық және фитосанитарлық шаралар жөніндегі ақпарат орталығының хабарламаларын толтыру және ұсыну қағидалары;

2) Осы бұйрықтың 2-қосымшасына сәйкес Төтенше санитарлық, ветеринарлық-санитарлық және фитосанитарлық шаралар туралы Саудадағы техникалық кедергілер, санитарлық және фитосанитарлық шаралар жөніндегі ақпарат орталығының хабарламасының нысаны;

3) Осы бұйрықтың 3-қосымшасына сәйкес Санитарлық және фитосанитарлық шаралар жөніндегі Дүниежүзілік сауда ұйымының келісімі шеңберіндегі Саудадағы техникалық кедергілер, санитарлық және фитосанитарлық шаралар жөніндегі ақпарат орталығының қарапайым хабарламасының нысаны;

4) Осы бұйрықтың 4-қосымшасына сәйкес Саудадағы техникалық кедергілер жөніндегі Дүниежүзілік сауда ұйымының келісімі шеңберіндегі Саудадағы техникалық кедергілер, санитарлық және фитосанитарлық шаралар жөніндегі ақпарат орталығының қарапайым хабарламасының нысаны;

5) Осы бұйрықтың 5-қосымшасына сәйкес Техникалық, санитарлық және фитосанитарлық шаралар жөніндегі халықаралық және өңірлік ұйымдарға қатысуы туралы Саудадағы техникалық кедергілер, санитарлық және фитосанитарлық шаралар жөніндегі ақпарат орталығының қарапайым хабарламасының нысаны;