(БҰРЫНҒЫ РЕДАКЦИЯ) ҚР ЭКОН. ДАМУ Ж/Е САУДА МИН. Ж/Е ҚР КӨЛІК ...2012...

«Бір терезе» қағидасы бойынша кәсіпкерлерге ақпараттық-кеңестік қызмет көрсету туралы
Қазақстан Республикасы Экономикалық даму және сауда министрлігінің және Қазақстан Республикасы Көлік және коммуникация министрлігінің 2012 жылғы 2 қарашадағы № 14 бірлескен бұйрығы

Осы редакция 2013 жылғы 17 қаңтарда енгізілген өзгерістеріне дейін қолданылды

2012 жылдың 25 мамырындағы № 683 Қазақстан Республикасы Үкіметімен бекітілген, 2012-2020 жылдарға моноқалаларды дамыту бағдарламасы және Қазақстан Республикасы Президентінің қатысуымен 2012 жылдың 22 маусымындағы № 01-7.4 мәжіліс хаттамасының 1.3 тармағына сәйкес, БҰЙЫРАМЫЗ:

1. Қосымшаға сәйкес Халыққа қызмет көрсету орталықтарының филиалдарында «бір терезе» қағидасы бойынша кәсіпкерлерге ақпараттық-кеңестік қызмет көрсету жолымен Кәсіпкерліктерді қолдау орталықтары бағдарламаларын іске асыру ұйымдастырылсын.

2. Қазақстан Республикасы Көлік және коммуникация министрлігі Мемлекеттік қызметтерді автоматтандыруды бақылау және халыққа қызмет көрсету орталықтарының қызметін үйлестіру комитетінің «Халыққа қызмет көрсету орталығы» шаруашылық құқығындағы республикалық мемлекеттік кәсіпорынның Бас директоры С.Н. Адирискалиев:

1) қосымшада көрсетілген моноқалалардағы Халыққа қызмет көрсету орталықтарында Кәсіпкерліктерді қолдау орталықтарының кеңесшілерін орналастыруды қамтамасыз етіп және тиісті жағдайлар ұйымдастырсын;