«Мемлекеттік әкімшілік қызметтің кадр резервіне қою» мемлекеттік қызмет стандарты (Қазақстан Республикасы Үкіметінің 2012 жылғы 27 желтоқсандағы № 1687 қаулысымен бекітілген) (күші жойылды)

ҚР Үкіметінің 2014 жылғы 29 наурыздағы № 275 Қаулысымен күші жойылды

Қазақстан Республикасы

Үкіметінің

2012 жылғы 27 желтоқсандағы

№ 1687 қаулысымен

бекітілген

«Мемлекеттік әкімшілік қызметтің кадр резервіне қою»
 мемлекеттік қызмет стандарты
 
1. Жалпы ережелер

1. Мемлекеттік қызметті Қазақстан Республикасының Мемлекеттік қызмет істері агенттігі (бұдан әрі - Агенттік) және мекенжайлары осы стандартқа 1-қосымшада көрсетілген Агенттіктің облыстар, Алматы қаласы бойынша аумақтық бөлімшелері (бұдан әрі - аумақтық бөлімше) көрсетеді.

2. Мемлекеттік қызметтің нысаны: автоматтандырылмаған.

3. Мемлекеттік қызмет Қазақстан Республикасы Президентінің

2003 жылғы 4 желтоқсандағы № 1243 Жарлығымен бекітілген Мемлекеттік қызметтің кадр резерві (бұдан әрі - кадр резерві) туралы ереженің 26-тармағының негізінде көрсетіледі.

4. Мемлекеттік қызмет туралы ақпарат Агенттіктің www.kyzmet.kz  интернет-ресурсында, www.kyzmet.kz  интернет-ресурсында сілтемелер жасалған аумақтық бөлімшелердің интернет-ресурстарында орналастырылады.

5. Көрсетілетін мемлекеттік қызметтің нәтижесі кадр резервіне қою туралы бұйрықтан үзінді (бұдан әрі - үзінді) беру не мемлекеттік қызметті ұсынудан бас тарту туралы дәлелді жауап болып табылады. Үзінді қағаз жеткізгіште жазбаша түрде ресімделеді.

6. Мемлекеттік қызмет жеке тұлғаларға (бұдан әрі - мемлекеттік қызметті алушы):

1) конкурстық іріктеуге қатысқан және конкурстық комиссия кадр резервіне алуға ұсыным берген;

2) мемлекеттік тапсырыс негізінде мемлекеттік қызметшілерді даярлаудың және қайта даярлаудың мемлекеттік бағдарламалары бойынша оқуды аяқтағандар және басым мамандықтар бойынша шетелдің жоғары оқу орындарын бітірген азаматтар;

3) кәсіби деңгейін арттыру мақсатында мемлекеттік органдар халықаралық ұйымдарға немесе басқа мемлекеттерге жұмысқа жіберген;

4) аттестаттаудан өткен және аттестаттау комиссиялары кадр резервіне алуға ұсыным берген мемлекеттік әкімшілік қызметшілер болып табылатын азаматтарға көрсетіледі.

7. Мемлекеттік қызмет көрсету мерзімдері: