«Қорғаншылық және қамқоршылық жөнінде анықтама беру» электрондық мемлекеттік қызмет регламенті (Ақмола облысы әкімдігінің 2012 жылғы 14 желтоқсандағы № А-13/611 Қаулысымен бекітілген) (күші жойылды)

Ақмола облысы әкімдігінің 2013 жылғы 3 маусымдағы № А-5/225 Қаулысымен күші жойылды

Ақмола облысы әкімдігінің

2012 жылғы 14 желтоқсандағы

№ А-13/611 қаулысымен

бекітілген

«Қорғаншылық және қамқоршылық жөнінде анықтама беру»
электрондық мемлекеттік қызмет регламенті

1. Жалпы ережелер

1. «Қорғаншылық және қамқоршылық жөнінде анықтама беру» электрондық мемлекеттік қызметті (бұдан әрі -қызмет)халыққа қызмет көрсету орталықтары (бұдан әрі - Орталық)арқылы Ақмола облысының білім бөлімдері,сондай-ақ www.e.gov.kz «электрондық үкімет» веб-порталы (бұдан әрі - ЭҮП) арқылы көрсетеді.

Шалғайдағы елді мекен тұрғындарына мемлекеттік қызметтердің қолжетімділігін қамтамасыз ету мақсатында мемлекеттік қызметтерді Жылжымалы Орталықтар арқылы көрсетуге жол беріледі.

2. Қызмет Қазақстан Республикасы Үкіметінің 2012 жылғы 31 тамыздағы № 1119 қаулысымен бекітілген «Қорғаншылық және қамқоршылық жөнінде анықтама беру» мемлекеттік қызмет стандартының (бұдан әрі - Стандарт) негізінде көрсетіледі.

3. Қызметті автоматтандыру дәрежесі: ішінара автоматтандырылған.

4. Қызмет көрсетудің түрі: транзакциялық.

5. Осы Регламентте пайдаланылатын ұғымдар мен қысқартулар:

1) жеке сәйкестендіру нөмірі - жеке тұлға, соның ішінде өзіндік кәсіпкерлік түрінде қызметін жүзеге асыратын дара кәсіпкер үшін қалыптастырылатын бірегей нөмір (бұдан әрі - ЖСН);

2) тұтынушы -қызмет көрсетілетін жеке тұлға;

3) транзакциялық қызмет - электрондық цифрлық қолтаңбаны қолданумен өзара ақпаратқа алмасуды талап ететін, пайдаланушыларға электрондық ақпараттық ресурстарды беру жөніндегі қызмет;

4) «электрондық үкіметтің» веб-порталы - нормативтік құқықтық базаны қоса алғанда, барлық шоғырландырылған үкіметтік ақпаратқа және электрондық мемлекеттік қызметтерге қолжетімділіктің бірыңғай терезесін білдіретін ақпараттық жүйе;