«Заңды тұлғалар» мемлекеттік деректер қорынан анықтама беру» электрондық мемлекеттік қызмет көрсетулер регламенті (Қазақстан Республикасы Әділет министрінің 2012 жылғы 29 қарашадағы № 389 бұйрығына 3-қосымша) (күші жойылды)

ҚР Әділет министрінің 2014.30.01. № 37 бұйрығымен күші жойылды

Қазақстан Республикасы

Әділет министрінің

2012 жылғы 29 қарашадағы

№ 389 бұйрығына 3-қосымша

«Заңды тұлғалар» мемлекеттік деректер қорынан анықтама беру»
электрондық мемлекеттік қызмет көрсетулер регламенті

1. Жалпы ережелер

1. «Заңды тұлғалар» мемлекеттік деректер қорынан анықтама беру» электрондық мемлекеттік қызметті (бұдан әрі - электрондық мемлекеттік қызметтер) мекенжайлары Қазақстан Республикасы Үкіметінің 2009 жылғы 15 желтоқсандағы № 2121 қаулысымен бекітілген «Заңды тұлғалар» мемлекеттік деректер қорынан анықтама беру» мемлекеттік қызмет стандартының (бұдан әрі - Стандарт) 1-қосымшасында көрсетілген Халыққа қызмет көрсету орталықтары (бұдан әрі - ХҚКО) «Заңды тұлғалар» мемлекеттік деректер қорының ақпараттық жүйесін пайдалана отырып, «электрондық үкімет» порталы арқылы көрсетеді.

Электрондық мемлекеттік қызметті алуды тұтынушы «Электронды үкімет» порталында www.e.gov.kz  «Электрондық қызметтер» деген бетте дербес жүзеге асырады.

2. Электрондық мемлекеттік қызмет Стандарттың негізінде жүзеге асырылады.

3. Электрондық мемлекеттік қызметтің автоматтандыру дәрежесі: автоматтандырылған.

4. Электрондық мемлекеттік қызмет көрсету түрі: интерактивті және ақпараттық.

5. Осы Регламентте пайдаланылатын ұғымдар мен қысқарған сөздер:

1) ақпаратты криптографиялық қорғау құралдары (бұдан әрі - АКҚҚ) - оның мағынасын жасыру не/немесе түпнұсқаландыруды қамтамасыз ету (түпнұсқаландыру деп ақпараттың түпнұсқа екенін анықтау түсініледі және алынған ақпарат бұрмаланбай берілді дегенді білдіреді) мақсатында ақпаратты қайта құрудың алгоритмдері мен әдістері;

2) бизнес-сәйкестендіру нөмірі (бұдан әрі - БСН) - заңды тұлға (филиал мен өкілдік) және қызметін бірлескен кәсіпкерлік түрінде жүзеге асыратын дара кәсіпкер үшін қалыптастырылатын бірегей нөмір;