«Зейнетақы қорларына, банктерге кәмелетке толмағандардың салымдарына иелiк ету үшiн, Қазақстан Республикасы Iшкi iстер министрлiгi Жол полициясы комитетiнiң аумақтық бөлiмшелерiне кәмелетке толмаған балаларға мұраны ресiмдеу үшiн анықтамалар беру» электрондық мемлекеттiк қызмет регламенті (Қарағанды қаласы әкімдігінің 2012 жылғы 25 желтоқсандағы № 14/208 Қаулысымен бекітілген) (күші жойылды)

Қарағанды қаласы әкімдігінің 2013 жылғы 12 маусымдағы № 29/03 Қаулысымен күші жойылды

Қарағанды қаласы әкімдігінің

2012 жылғы 25 желтоқсандағы

№ 14/208 қаулысымен

бекітілген

«Зейнетақы қорларына, банктерге кәмелетке толмағандардың салымдарына иелiк ету үшiн, Қазақстан Республикасы
Iшкi iстер министрлiгi Жол полициясы комитетiнiң аумақтық бөлiмшелерiне кәмелетке
толмаған балаларға мұраны ресiмдеу үшiн анықтамалар беру»
электрондық мемлекеттiк қызмет регламенті

1. «Зейнетақы қорларына, банктерге кәмелетке толмағандардың салымдарына иелiк ету үшiн, Қазақстан Республикасы Iшкi iстер министрлiгi Жол полициясы комитетiнiң аумақтық бөлiмшелерiне кәмелетке толмаған балаларға мұраны ресiмдеу үшiн анықтамалар беру» электрондық мемлекеттік қызмет (бұдан әрі - қызмет) «Қарағанды қаласының білім бөлімі» мемлекеттік мекемесімен (бұдан әрі - қызмет көрсетуші) халыққа қызмет көрсету орталықтары (бұдан әрі - Орталық) арқылы және «электрондық үкімет» веб-порталы: www.egov.kz арқылы көрсетіледі.

2. Қызмет «Қазақстан Республикасы Білім және ғылым министрлігі, жергілікті атқарушы органдар көрсететін білім және ғылым саласындағы мемлекеттік қызмет стандарттарын бекіту туралы» Қазақстан Республикасы Үкіметінің 2012 жылғы 31 тамызындағы № 1119 Қаулысымен бекітілген «Зейнетақы қорларына, банктерге кәмелетке толмағандардың салымдарына иелiк ету үшiн, Қазақстан Республикасы Iшкi iстер министрлiгi Жол полициясы комитетiнiң аумақтық бөлiмшелерiне кәмелетке толмаған балаларға мұраны ресiмдеу үшiн анықтамалар беру» мемлекеттiк қызмет Стандарты негізінде көрсетіледі (бұдан әрі - Стандарт).

3. Қызметтің автоматтандыру дәрежесі: ішінара автоматтандырылған.

4. Қызмет көрсету түрі: транзакциялық.

5. Осы регламентте келесі түсініктер және қысқарған сөздер пайдаланылады:

1) ақпараттық жүйе - аппараттық-бағдарламалық кешенді қолданумен ақпаратты сақтау, өңдеу, іздеу, тарату, тапсыру және беру үшін арналған жүйе (бұдан әрі - АЖ);

2) АЖО - автоматтандырылған жұмыс орны;